الحل فيضة موقعه بالمحيري

كتبه للصفحة الشاعر خالد المرشود من الرياض، ويقول:
انشدك عن بنت بريح العبيري
ما تنزل الا ياعرب بالطماني
اول ثلاث حروف شي ن كثيري
وعكس الثلاث حروف رجال عاني
يامرحبا بك يالشمالي كثيري
ترحيبة الطيب برجال عاني
واللغز يالمرشود لو هو عسيري
جبته واظنه فيضة يالخبيري
أحمد بن ناصر المحرج - الرياض
ابشترك باللغز مِن عَرْض غيري
بصفحة نِشَامَا من بعيدٍ ودَانِيْ
اللغز حَلِّهْ فِيْضِةٍ كالعبيري
تسمع بَهَا لِاُم سَالِمْ أَغَانِيْ
سعود عائش التميمي الحربي -جدة
الفيضه حل اللغز عشبه كثيري
والضيف باقي الحل حله ضماني
يا خالد المرشود لغزك عسيري
والخير عم الناس قاصي وداني
عبد الرحمن بن إبراهيم العجلان - البكيرية
ياخالد المرشود لغزك مثيري
ساسه قوي وتعتليه المباني
الحل فيضة موقعه بالمحيري
ازهارها صفر وفيها احمراني
علي الرشيد - رياض الخبراء
ياخالد المرشود لغزك عسيري
حله ترى الفيضة وأنا اضمن ضماني
يازين ريحتها بجنب الغديري
عزلله انه وارد بالمعاني
سعد صنهات السهلي - الدرعية
ياخالد المرشود عبر الاثيري
قريت ابيات اللغز عندي وباني
الفيضه اللي فيها عشب كثيري
هذا جواب اللغز حل ضماني
محمد بن عبدالرحمن أبودحيم - البدائع
ياما حلا فنجال بن العصيري
ويازين مقعدها بحلو المعاني
لغزك تعشش به طيور القميري
فيضة نفل وظاهرة للعياني
سليمان الخليف الزارع - دومة الجندل
فيضه لجا الربيع شم العبيري
وركب دلالك وانت باحلى الأماني
واستقبل ضيوفك ورحب كثيري
ويا اهلا وسهلا ومرحبا بكل عاني
علي محمد سليمان العرف -الرياض
وكان هناك حلا واحدا نثرا
حمود العقلاء الزارع من دومة الجندل
لغز الأسبوع
كتبه للصفحه الشاعر: سلمان العجلان ويقول:
بنشدك عن بنت هنوف صغيره
خمسة تحلق سود روس الرجاجيل
اول وثاني حرف صحصاح ديره
واخر ثلاثة حروف بالدين تنزيل