نشرنا في عدد الاسبوع الماضي لغزا كتبه الشاعر سفر سلطان القحطاني (العاصي) وقد وصلتنا عشرات الحلول مما اضطرنا الى استخدام القرعة فجاءت الحلول التي حظيت بالنشر على النحو التالي: هاضت هو اجيسي وشغلت الاحساس واللغز حله نرسله يم راعيه لغزك عرفته يا سفر طيب الساس مخدة بفراش رجل مساويه معيض بن مسفر الودعاني السليل *** ترحيبة أغلى من الدر والماس للشاعر اللي أعجبتني قوافيه على المخده يرقد اللي به نعاس هذا جوابي للجزيرة نوديه نايف محمد القحطاني القويعية *** اسمع لحل اللغز يا طيب الساس لغز حقيقه وافياتٍ معانيه حله مخدة راس لصابك انعاس ياللي على بيض القراطيس ترويه الحميدي بن حسن بن ضويحي القحطاني حلاة الجلة *** منته بعاصي يا سفر قلت بقياس من طاع ربه من جهنم ينجيه اعطيك حل اللغز من دون هوجاس خل (المخده) تحت راسك توقيه لمياء الفهد *** ياللي كتبت اللغز شاعر وحساس بين عليك يدل لغز مسويه وان كان يالعاصي قرب طرفك انعاس قرب لك (وساده) عسى مانت عاصيه ليلان الرشيدي *** يا مرحبا بك عد ما هب نسناس واعداد ما هل المطر من مناشيه يا كاتبٍ لغز الجزيرة على ساس حله (مخدة) نوم هذي محاريه سالم مقبل الحربي القيصومة *** ياللي كتبت اللغز لا باس لاباس اهدي سلامي لك وللقاري اهديه الله جعل بالنوم سبات ونعاس تحت المخده لذة النوم تخفيه عبدالرحمن حراب الحربي رياض الخبراء *** عد الحروف اللي على بيض قرطاس يا مرحبا بلغز الجزيرة وراعيه رح (للوسادة) يا الذي صابك انعاس ترتاح في اول نهارك وتاليه منصور بن عبدالله المجيدل الرس *** يا مرحبا يا طيب الجد والساس يا من الرجال اللي عزومه تقويه هذي المخده دورها يرفع الراس ومن يجهل الامور يحتاج توجيه خليف الحربي الرياض *** يا مرحبا وعداد ما هب نسناس بالعاصي اللي طيبات معاتيه هذي المخده جات للي به نعاس اللي يجيه النوم راسه يوطيه محمد شليه الغامدي الرياض *** ويا مرحبا باللغز واللي له أرتاس واللي بروس اللغز قوي معانيه هذي المخده ياسفر جات للراس واللي يجيه النوم راسه بوطيه حمد عبدالله شيبان الفهامي الدلم *** صلاة ربي عد ماهب نسناس على نبي كلنا نقتدي فيه وعسى تنام ولا يجي عمرك الباس وترى المخده لغزكم كان تبغيه راكان بن مزعل المرزوقي الرياض *** قريت لغزك يا سفر طيب الساس واشتقت له واللي جذبني معانيه بنت تشيل الراس في غفوة نعاس وغير المخده ما لها حل ياهيه فهاد عايض بن عمير *** الصفحة اللي تحتوي غالي الالماس شعر ومثل واللغز تغرب معانيه يبقى غلاها ثابت ما له قياس وكم واحد (مخدته) قبضة يديه موسم بن سفر القثامي *** الحل وساده ما بها شك ياناس الراس عند النوم فوقه تواسيه لا نام راح اللي يغثه من الباس ولا قام عادت له هواجيس توذيه محمد صالح العتيق الرس *** البارحة ما هملج الطرف بنعاس عزى لمن مثلي كثير طواريه لو المخده فاخرة حشو والباس النوم عن عيني همومي تقريه مازن القثامي الطائف *** أهلا وسهلا عد ما هب نسناس باللي نشر للغز واللي مسويه واللغز حله يا سفر مابه الباس وسادة راسك عليها توطيه صالح عبدالله الزرير التميمي الرس *** بنت بدت لك يا سفر ما لها أجناس كم واحد معها حلومه توديه يفرح بها من غالبه بالدجى نعاس وأمسى على النومه يردد مناويه فهد الجروان الزلفي *** اهلا هلا بك عد ما هب نسناس واللغز واضح يا سفر من مواريه يا صاحبي وان صار راسك به نعاس رح (للوسادة) وانسدح لا تعنيه عطاالله بن سليمان العطا الله الزلفي *** لغز قريته كاتبه طيب الساس وعرفت حله واتضح لي خوافيه وحله وسادة ما بها روح واحساس يلفي عليها من لفا النوم عينيه سليمان هليل الشملاني الخرج *** علي (المخده) ما تهنيت بنعاس أسباب من يسري على القلب طاريه غاب وتركني بين طاري وهوجاس يا الله عسى من غاب يرجع لاهاليه صويلح بن عبيسان الشيباني الرياض *** كزيت فكري في سما البعد عساس يحدا الامل,, والشوق باسمه يناديه يا الله عساه يدق لي صلف الاجراس قبل (المخده) في دجى الليل تدعيه سليمان عبادي النتيفي الزلفي *** هلا هلا حييت يا طيب الساس عداد حرف اللغز بلسان راعيه خالي الهموم (اوسادته) تطرد الباس ومن زان نومه يا عسى الله يهنيه عيسى فالح الرشيدي *** حليت لغزك يا سفر وقت الادماس يوم أشتهيت النوم جتني طواريه هذي المخده يا سفر ترفع الراس وفراش نوم بدونها ما لنا فيه محمد نماء الحربي حفر الباطن *** حليت لغزك بالمشاعر والاحساس واعطيك حله يا سفر لو تخفيه ترى الوساده كيس من ضمن الاكياس واللي فقدها ما يحوشه يكفيه حجي بن سليمان الحجي الاحساء *** ياللي كتبت اللغز بشعور واحساس حله عرفته صح ماني بغاويه هذي المخده تريح اللي به انعاس واكتب جوابي للجزيرة انا أهديه علوش محمد العضياني الرياض *** يا مل قلب كل ما ناموا الناس قامت هواجيس الضماير تسريه لازر قلبي يابو سلطان هوجاس نوم الوسايد عيت العين تبغيه ماطر بن ضيف الله ماطر الثبيتي الداهنة *** الحل عندي كاتبه وسط قرطاس والا تليفون لحلي يوديه ترى (الوسايد) يا سفر ما بها باس كانك تبي نوم لجسمك يهنيه صابر صويان الصخابرة الافلاج البديع *** يا مرحبا حييت يا طيب الساس واللغز ما تخفى عليه معانيه وراع الوساده ماجنى غير الافلاس ان كان كبرها وقلن مساعيه محمد معتق بن صخيبر عنيزة *** عرفت لغزك دون شك وهوجاس ساعة قريته ما خفتني معانيه هذي المخده فضلها ما له قياس من دونها والنوم ماحد يدانيه محمد بن عبدالعزيز الخنيفر *** سبحان من تسجد له الجن والناس بامره يدر الضرع والزرع يحييه والبنت معروفه مخده تحت راس للنوم مخصوصه نجيبه ونشريه شداد عليان المطيري حائل *** يا مرحبا وعداد ما هب نسناس باللي نشر لغزه مع اللي سعى فيه اللغز تحتاجه الى صابك انعاس مخدة حله وهذي مواريه عبدالله بن صالح الاطرش الرس *** هلا هلا بك يا سفر طيب الساس لغزك بسيط وبينات مواريه عند المنام وساعة يصلب الراس ودك (مخده) ثم,, ترقد تهديه محمد بن عايد النعام محافظة الشملي *** يا مرحبا بك يا سفر عد الاطعاس واهل التراث الكل منهم نحييه على (الوسادة) نومنا يرفع الباس واللي يلخبط وقتنا ما ندانيه علي بن رشيد الرشيد رياض الخبراء *** اهلا هلا اعداد ما هب نسناس واعداد سيل منحدر مع مجاريه والحل واضح ما يبي زود هوجاس هذي (الوسادة) كل راس تعليه علي بن محمد بن فهد العمار الرياض *** ياللي بدعت اللغز,, معناه حساس والحر دايم شارة العلم تكفيه ان كان يا مسفر دخل عينك نعاس حط الوساده تحت راسك وترضيه بدر زهران الشلاحي بريدة حي الشقة *** هلا هلا ما حرك الورد نسناس تحت هدب مزن كما الليل ناشيه سفر نشر لغز كما صافي الماس على المخده صافيات معانيه نافع الحربي الرياض *** ياللي كتبت اللغز يا طيب الساس راسك رفيع (وللمخده) توطيه هاك الجواب الى بعثته بقرطاس عبر الهواتف نرسله ما نعنيه
