الله يا زينه سمن من طبيعي نشعر بطعمه ونتَلذذ مُذابه

الله يا زينه سمن من طبيعي
نشعر بطعمه ونتَلذذ مُذابه
تسويه أيدي مبدعه له تشيعي
تكرم به العاني وتكرم اركابه
تعطي بلا منّه ولا له تبيعي
تحيي به أيام الجمع والقرابه
ما هو معلب بالنطاق الوسيعي
مضاف له أشياء تحفظ خرابه
ينابيع السبيعي - الأحساء
مهما يطول الوقت مهما يقولون
هذا تراث أجدادنا لا يزالي
صنعة قديمة بالمكارم يجيدون
مهما يكون الوقت مرٍّ.. وحالي
أفعالهم نبراس دايم يفيدون
فيها الأصالة دايمٍ .. والجمالي
سالم الدوسري - الرياض
تراث ماضي الوقت يا زينه
فيه الفوايد لأهلنا والقرايب
ومها يطول الوقت زايد سنينه
تبقى لنا العكّه.. وتهدى حبايب
نورة الفاضل - بريدة
السمن زينٍ فيه كثر الفوايد
وله قيمةٍ عند العرب دوم غالي
يا ناس لا تنسون زين العوايد
رمز الكرم يا ناس أول.. وتالي
سعد السالم - الطائف
هذا السمن .. هذي هي العكّه
من جيلنا الأول إلى جيلنا الآن
التيس بعد الذبح لازم تذكّه
وتصبح مذاقٍ زين في كل الأحيان
معروفةٍ من دون ريبٍ.. وشكّه
يا زينها .. يا حلوها بكل الأوطان
بشائر القحطاني - الرياض
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
rb-khozama@alriyadh.com
صورة العدد (عدسة/ حسن المغيبي)