كان الهوا وقف ولاهو معذا ماتو جميع الخلق والعمر ذلاف

كتب لغز الأسبوع الشاعر علي نافل الحربي
من الرياض والذي يقول:
انشدك عن شيٍ عليه نتغذا
اللي وراه ايشاف وعندك ولا يشاف
شكلٍ نبيه وشكل منه نتوذا
شكلٍ غذا وشكلٍ يجي سمٍ ذعاف
وعلى كثرة الحلول الواردة إلا أن الحلول الصحيحة فقط:
الحل دورته و عنه اتحذاء
ما دام مخفيين و به شي ينشاف
هذا الهواء و احيان منه نتوذاء
احيان يازينه و مرات ينعاف
محمد بن عبد الرحمن أبو دحيم - البدائع
ارد بابيات تقفى على الذا
سلام من قلب مكرر بالآلاف
ترى الهوا حله عليل امعذا
والنوع الاخر دايم حوله اخلاف
علي الرشيد - رياض الخبراء
ياجذ قلبي جذت الحبل جذا
على الحبيب اللي له الروح تنلاف
ترى الهوى والحب مافيه هذا
ولولا الهواء ماتوا ملايين والاف
عبدالعزيز الصقيري - حائل
مافيه هذا الوقت للحب لذا
مات الهوى الصادق وهالوقت ينعاف
وكان الهوا وقف ولاهو معذا
ماتو جميع الخلق والعمر ذلاف
حجي بن عايد - الرياض
لغز الأسبوع
كتبه الشاعر جزاع الناصر من حائل ويقول:
انشدك عن رجل رفيع وله شان
والكل ياخذ منه زاد ويعتاض
اسمه ثلاث حروف من دون نقصان
واذا عكسته صار من ضمن الامراض
نستقبل الرمعات والحلول خلال أربعة أيام
من نشر اللغز على الإيميل:
rb-khozama@alriyadh.com