ما هو ضروري كل واحد تداريه من لا يعدك شي لا تحسبه شي

كان بيت الأسبوع الماضي للشاعر نواف بن هايف الجبرن من الرياض ويقول:
ما هو ضروري كل واحد تداريه
من لا يعدك شي لا تحسبه شي
وكان الصدى من الشعراء:
والناس كل راضي في مماشيه
لاتتبع الغادي وبنصحك يا خي
عليك باللي عاليات هقاويه
ما يقرب الواطي ولا يفعل السي
علي الرشيد - رياض الخبراء
ارفع مقامك عنه حذرا تجاريه
من لايودك جد لا تعتبره حي
تراالحسود يبيعكم وانت شاريه
تزرع به المعروف ويجازي السي
البعد راحة بال مالك بطاريه
نصيحة ماهو سواليف ياخي
صالح البشري - الرياض
من لا شراني بالغلى والله مشريه
و اللي جفاني والله لاشويه انا شي
ولا اترقب لا مجيه و طاريه
و اقواله اللي قالها كن لا شي
وعلى الخطى والله ماني مجاريه
اما رفاقة طيب و لاّ بلا شي
كتبت هذا القاف يقراه قاريه
و اقول قولن مثل من عد كاشي
محمد عبدالله الشهري/ أبها
اعرف رفيقك قبل ماهو تخاويه
تعرف طريق الصح وابعد عن الغي
ترى الطريق الخطر حذرا تماشيه
هذا طريقه فاشل ويمشي على السي
بعض المرض ياصعب منهو يداويه
ابعد عن المرضان ياخي ياخي
محمد بن عبد العزيز الخنيفر - أشيقر
ما هوب واجب كل واحد تراعيه
ومن لاحَسّبك بشي خله يعشي
ثور ٍ مع الثيران وحذراء تباريه
عليك باللي طيبه دايم منََشّي
مثل الحياء ذَكره وكل ٍ يباريه
صميدع ٍ لَين جنابه وهشي
مشعل بن صنت العصيمي - الخرج
ماهو طبيعي لاجل كلمه تجافيه
خلْها تعدّي كنّ ماقال لك شي
واسمح ترى ربّي يقدر يجازيه
ويرزقك من رزقه ويغفر لك السي
وخل القلب صافي لحْدن يعانيه
تسعد حياتك والامل يشبه الضي
صلاح المبطي - الخبر
حذراك من درب الردي لا تباريه
خله على فاله عسى فاله السي
لاتحسب حسابه الى مر طاريه
صده ورده وان تكلم على الغي
والمحترم يفرض عليك المشاريه
رجل مؤدب والشبه حالي المي
القلب طيب والمواقف محاريه
ويالله عسى جنسه كثيروله في
مثل السحاب اليا انهمل في مجاريه
ويسقي فياض منبته ورد ياخي
حمد عبدالله الوايلي - حوطة سدير
بيت الأسبوع
كتبه للصفحة الشاعر سطم الخليل من الرياض ويقول:
يالله بمزن عريض ابعاد
من حد عرعر لنجراني
نستقبل صدى هذا البيت
خلال أربعة أيام من نشر البيت
على إيميل الصفحة:
rb-khozama@alriyadh.com