العام مهوب مثل اليوم يا نايم اصحى من فراشك

كان بيت الأسبوع الماضي على طرق الهجيني للشاعر مشعل بن صنت العصيمي من الخرج والذي يقول:
العام مهوب مثل اليوم
يا نايم اصحى من فراشك
وكان الصدى من الشعراء:
كلش تغير طبع واسلوم
شي يأثر على جاشك
واللي تشكى مهو مليوم
ما ناش بعض العرب ناشك
اصبر وخلك كما الشغموم
حتى لو إن الردي هاشك
على الرشيد - رياض الخبراء
يا وقْت يا دَايِرٍ بالدوم
مِن لَا وعَى الدرس ما عَاشَك
ويَا ناسِيٍ دوْرِته بالنوم
لا بِد مِن شِطِّته ناشَك
عليك قبل الأسف واللوم
إصْلاح قلبٍ وَسَط جاشَك
سعود عائش الحربي - جدة
يابو صنت جونا بغيوم
بقبول خير وكثر كاشك
يا ربنا الحظ والمقسوم
والسيل يادرنا حاشك
وما يفعله ربنا ياقوم
مقبول والوقت متواشك
محمد بن عبدالعزيز الخنيفر - أشيقر
الوقت ما يرحم المضيوم
ارفع مقامك عن احراشك
واعمل مدام الجسم ملموم
باكر تبي تكثر ابواشك
الوقت يا صاحبي مسموم
يا ويل ويلك لياحاشك
صالح إبراهيم المرشود - الرياض
النوم ما ينفع المهموم
والوقت يدمي ليا حاشك
انهض من النوم يالمهموم
ولا تندب الوقت باجهاشك
ترى النخل ماهو مثل الدوم
والدين ماهو مثل كاشك
سالم صالح السالم - حايل
ارفع مقامك وارتفع ملزوم
تسرح وتمرح ليل وغاشك
غافل عن الي حزته محتوم
تدري ولا إنه في يوم ناشك
والموت حق وكل له علوم
راجع وفكر لاتبين وحاشك
حمد عبدالله الوايلي - حوطة سدير
ترى المراجل تجيب علوم
ماهيب تجيك بفراشك
كم من شقردي قوي عزوم
واليا بغيته تعنى لك
بعض الاوادم عليه ثلوم
يندس بالبيت لاشافك
هذاك خله عساه القوم
حتى ايش لونه من اقرابك
خليف فهيد الحربي - الرياض
بيت الأسبوع
كتب بيت الأسبوع الشاعر نواف بن هايف الجبرن من الرياض ويقول:
ما هو ضروري كل واحد تداريه
من لا يعدك شي لا تحسبه شي
نستقبل صدى هذا البيت خلال أربعة أيام
من نشر البيت على إيميل الصفحة:
rb-khozama@alriyadh.com