التعليقات

يامساء الست وسوالٍ تحلاّ ..=في جواب بين (لا )وبين (إيه )
(هو صحيح ان الهوى غلاب )..والاّ =(حب أيه اللي انت جاي تقول عليه )؟!
اللي اعْرف ماحدن يختار خِلاّ ..=ولا حدن يجبر على احدن مايبيه !
بس كيف اللي تخلا مايخلاّ ؟=حتى لو بين العرب ماله شبيه !
إن يكن بالحب عيب .. ليس إلا ..=أنه بالشوق يقصي / واصليه !
من المكتوب قريت ان الهجر ماهو من المكتوب =وعجزت اقرا ياكيف احباب ولكن ماغدوا احباب
اثر بعض القلوب ف بعض خلق الله ماهيب قلوب=واثر بعض الوفا خاين واثر بعض الصدق كذاب
أنا مالي ومال اللي في عين النافر الرعبوب =عشان اركض ولا اوصل غير لجرحٍ طاغي ٍ مغتاب
في كل ليله أعدي مرقب السْهر آتشاوف صوب=صباح آخر لقانا يمكن القابه طيور عتاب
وامر الليل تلو الليل في هالمرقب المرقوب =واهد شيهانة الشعر وتجي ماصادت الا غياب
قسم باللي خلق هالشمس.. بين شروق وبين غروب=أنا اللي قلت للشمس انطفي عندي قمر شباب
حسبت لكل شي حساب وقلت الهجر مو محسوب=لقيت الهجر يصدمني بحسابٍ مابعده حساب
يقولون العرب دايم فلا تبكي على المسكوب =واقول ان العرب دايم فلا تبكي لغير احباب
وانا يالشعْر رجالٍ أشوم ارخص غلا محبوب=أنا اللي ف الهوى غالب مدام ان الهوى غلاب
قصيدي مابقى للحب عتاب ٍ يوفي المطلوب=ياكود اني تعلمت ابعيونه .. أرفع السباب
قصيدي لاتموت بجوع بين الطوب والمعطوب=قصيدي عيش مادامه نبت لك مخلبين وناب
أنا اللي ماسكت الا عقب صار الحكي عذروب =وانا اللي ماحكيت الا عقب صار السكوت صواب
أنا اللي ماكذبت الا عشان اعدل المقلوب=أنا اكذب شاعرٍ صادق .. ولاني شاعر كذاب
لأن ذنوبي حسْناتي عجزت عن البياض آتوب=لأن الطيب مفتاحي تعبت ولكت الابواب
لأن اصحابي ظروفي قليل اللي بصفاه ينوب !=لأن احبابي جروحي عجزت استطعم الاطباب !
ألا يالله كان اللي قهرني في هواي ذنوب=تعافيني بهوى يقهر عداي ويفرح الاصحاب