بحرٍ نظيفٍ عاكسٍ عمقه الشمس صوره على طبق الاصل لأربع امهار فوارسٍ على الاصايل تمارس رياضة مشي على البحر هو الانهار تقطع مياه تعجز الجيب والجمس على الحوافر ماخشت درب الاخطار سعود عبدالعزيز الهزاع - نعام الخيل في البيداء تجيب النواميس وعرض البحر ما صار للخيل مسراج وأربع خيولٍ فوقها اللي حواميس ساروا يبوجون الوسيعه والأفجاج صوره جميله ما تجيب العواميس تشرح صدور اللي بها ضيق وإحراج حمد عبدالله الوايلي - حوطة سدير خيولنا في ارضنا عز وخير فيها الصبر فيها الوفا والجمال عند العرب لها عز وتقدير لها محبه غاليه بكل الاحوال معروفةٍ مع الرجال المخابير ويا طيبها عند النشامى والابطال محمد عبدالعزيز الخنيفر - أشيقر خاضوا البحر فرسان نسل الشجعين أبطال حرب ما يجهيم تراعيد دون الوطن حامين كل الميادين نقولها بصوت عالي .. وترديد ما همنا أهل الرداء والخبيثين صلاح ظافر المبطي - الخبر يا زين شوف الخيل وقت انطلاقه يا زينها .. يا حلوها من جماله فيها الوفا معروفةٍ بالرشاقه يا طيبها والله ما يوجد مثاله لأصحابها واخلاصها بزين العلاقه يا طيبها ويا طيب ذيك السلاله ريان محمد الخنيفر يا بحر فيك اليوم خيولٍ أصيله يقودها أهل الشجاعه وفرسان اللي يسيرون المسافه طويله أفرح بهم بالحيل يا ناس فرحان سطام المسردي - الرياض نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى: [email protected] صورة العدد السابق