للخيل سرج وللمطايا معاريف ولمداعب المهرة مسْرج وخيّال وياكم خيالٍ من الخيل ماشيف لافاده ركوبٍ ولا مسكت احبال سالم معزي الفهيقي - تيماء خيال لكن ينقصه بعض الاحوال لوّح على المهره واطلق رسنها جانا على رأسه منكس ومهتال الله يفكه من كسورن باثرها طاح الشماغ وطاح من قبله عقال من شا حاله ليت ماهو ركبها خالد بن ناصر المخيمر - روضة سدير خيالنا يا حول لوّح من الخيل والخيل مسرع يركض مطاطي الراس ناوي يشارك في سباقٍ مقابيل حلمه تبخّر هج ما جاب له كاس سعد الحماد - روضة سدير روّض حصانك خلك اليوم خيّال أشوف وضعك منعكس في اتجاهه واسرج عليه ولا تخليه صيال أنا اشهد إن الخيل شوفه رفاهه حمد عبدالله الوايلي - حوطة سدير الخيل يعرف كل فارس وخيال وش عرّفك بالخيل يا راكب الخيل في ما مضى للخيل وقفات وأفعال واليوم عصر التقنيه والتهاويل عبدالله بن عبود السهلي - تبوك وين أنت ياللي تبي سايس مشهور ويطور اسطبلك دوك الولد للفرس دايس عقده مطرف يوقع لك عبدالكريم النغيمشي - الربيعية غشيم خيال الفرس ما هو خيال وين العنان وين باقي رسنها يطيح لو ربط على الخيل بحبال ومن لا يعرف الخيل لا يمتحنها عقلا خزن - تبوك أتعبت خيلك كيف ترضى تهينه هذي طريقة ما بها خير يا فلان أتبع سلومٍ بالدروب الحسينه لكن على هالحال مخطي وغلطان محمد عبدالعزيز الخنيفر مدري علام الفرس ترمي بصاحبها اكيد من ثنتين لازم نفسرها يا هو غشيم وعرفته يوم ساقبها ولا جديده ودها من يقدرها درع الشيباني - المزاحمية ياونتي ونت الخيال اللي تعلق ابغاربها العمر ما ينشرى بالمال الله يستر حوافزها عبدالكريم عبدالرحمن السلوم تعثر المهر والفارس عميت عيون الذي صاده سموا بسم خالق اليابس لا سامح الله من كاده وش لون غبرا ورى داحس من شانها الحرب وقاده علي جابر الفيفي - بيشة في مضامير الاصايل كم ذريب خيال والله صارفي حاله لطيف اختل حتى للثرى أصبح قريب والخبره أو حظٍ بعدها له حليف سعود عائش الحربي نستقبل مشاركاتكم على إيميل الخزامى : [email protected] أو الفاكس رقم: 4871070 ونرحب بما تلتقطه عدساتكم من الصور الهادفة والطريفة صورة العدد السابق
