تعامل المملكة مع شعبها وافي مع الوبا بانت أكثر يوم جا فيها

كتب بيت الأسبوع الماضي الشاعر حمد عبدالله الوايلي من حوطة سدير، ويقول معجبا ومفتخرا بوقفة حكومتنا الرشيدة بكل ما تملك لأجل شعبها الوفي والذي يقول:
تعامل المملكة مع شعبها وافي
مع الوبا بانت أكثر يوم جا فيها
ومع شكرنا وإعجابنا لهذه الوطنية غير المستغربة من الشعراء تجاه وطنهم كان هذا الصدى الرائع:
بِدَوْلة العزّ نهنأ ما بهِ اخْلافي
بِحكْمِ شيخٍ مصالحْنا يراعيها
نَهَجْ مسارٍ قَبِلْ ساروهِ الأسْلافي
مناقب المَجْدِ نجْمه في معاليها
عطا بَلَدْنا لنا بَيِّنْ مُهُوبْ خافي
قَسَمْ بربّ البشَرْ يابَخْتنا فيها
جُهُودها مبْهرهْ مِنْ فوقَ الأوصافي
بِأَزْمة الجايحه تسْعَى لِتِنْهِيها
ناصر جمعان آل عوض - وادي الدواسر
القايد اللي تحلي زين الاوصافي
سلمان يسلك من الأسباب صافيها
حزم وعزم مع الأيام ينشافي
أمورنا وافية بظاهرها وخافيها
خدمات عمت بصدق كل الأطرافي
بذل وفير لكل الشعب كافيها
علي الرشيد - رياض الخبراء
نمر في جايحه والله هو الشافي
أزمه تعاونك بإذن الله ينهيها
والمملكة عالجت بأسلوبها الوافي
فيروس كل الأراضي منتشر فيها
ومواقف المملكة بالظاهر أو خافي
في كل وقتٍ ومنهاجٍ تزكيها
يا رب احم الجميع إبسترك الضافي
ومن صابها ذا الوبا يا رب تشفيها
سعود عائش الحربي - جدة
كم واحدن بمر ربي راح متعافي
يالوايلى مملكتنا نفتخر فيها
قلوبهم للبشر افراش ولحافي
هذى سوايا ترا محدن يسويها
اخلاصهم للبشر واضح وينشافي
يالله بالخير يا ربي تجازيها
حتى المخالف يجى صريح ما خافي
يقول دعواي فيها اللى ترا فيها
سعد صنهات السهلي - الدرعية
سلام يا بو فهد يا الحاكم الوافي
لو نكتب أشعار و نجوّد قوافيها
ما جاك حقك على الباين وذا خافي
حكامنا با لسخا تطلق أياديها
يا عالم السر والنجوى ويا كافي
تكفي بلادي وتعطيها عوافيها
شافيت ذاك النبي في ماض لسلافي
اتزيل عنا كورونا جت بلاويها
محمد عبدالله الشهري - جبل أثرب
ما تطلبه دايم ن ببلادنا ضافي
الخير وافر طبيعة بامر راعيها
أبو فهد ياعساه بخير متعافي
هو عزنا فخرنا والدار حاميها
وعلاج موفر والله ربنا الشافي
ونفسن مريضة عسى المعبود يشفيها
محمد بن عبد العزيز الخنيفر - أشيقر
هذا الوباء واعسى من جاه متعافي
أمراض جتنا عسى المعبود ينهيها
يا ربنا يا عظيم الشان يا كافي
تشفي عبادك بأولها وتاليها
يالآدمي صبرك المطلوب لا تخافي
الله معانا وعلامن بخافيها
ريان بن محمد الخنيفر - أشيقر
وعلى وزن آخر:
ربي دعوة مستجابه وانته علام الخوافي
قبل شهر الصوم يأتي استجب لي ارتجيها
نبي نصلي فالمساجد لو أروح أصلي حافي
ثم تعود الروح فيها والتراًويح نصّليها
يا بلاد للمواطن قايمة والخير ضافي
والحكومة ما تقصر كل شيء موفر فيها
والكوادر ليل نهار شرطة وجنود وإسعافي
خلك في بيتك وتسلم من كورونا وبلاويها
خليف فهيد الحربي - الرياض
"بيت الأسبوع"
كتبه للصفحة مبروك بن نامي حول أهمية الجلوس في البيت:
طالبك تجلس لو تكرمت في البيت
غيرك يبي يجلس ولا حاصل ن له
نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة:
rb-khozama@alriyadh.com