الصوره اللي فالخزامى رهيبه طفلٍ يقبّل سيدي راعي الجود

صوت الصورة

طفلٍ يحب اللي حمى الدين والدار
وحنا نحب اللي يحبه ويغليه
القاف يقصر لا طرى لي بالاشعار
وجه السعد .. والعز.. بالروح نفديه
سعد الحماد - روضة سدير
الصوره اللي فالخزامى رهيبه
طفلٍ يقبّل سيدي راعي الجود
ريفٍ على شعبه الله يثيبه
أمنٍ.. وأمان.. وعين الاعداء بها عود
مشاري الغنام - ثادق
الفرح عم الوطن واللي سكنها
والأوامر زفها لنا ملكنا
شعبكم وافي وهذا هو وطنها
شفت قبله في جبينك يا سندنا
عبدالمحسن بن محمد المحيسن - رياض الخبراء
ماهو غريبٍ تحب الناس عبدالله
دوك الطفل ماسك الصوره يقبّلها
العاهل اللي تحبه كل خلق الله
عطاه ربي عسى عمره يطولها
مبارك بن محمد بن طرجم - وادي الدواسر
شعبك يحبك يا بو متعب ويغليك
صغارها.. وكبارها.. والمقيمين
لأنك عطيت الحب .. والله يعطيك
بأرضه قبولٍ.. وحب كل المسلمين
ناصر مسامح الشملاني - الرياض
يا خادم البيتين بالقلب نغليك
والحمد للمعبود يوم الله اشفاك
الكل منا من فرحهم يهنيك
لك موقعٍ بقلوبنا لاعدمناك
محمد بن عبدالعزيز الخنيفر - أشيقر
حب الملك بقلوبنا ماله حدود
وهذا الطفل عبّر عن الشعب كلّه
يقّبل الصوره .. ويدعو لمعبود
يحميه رب الكون عن كل علّه
محمد عبيدالله العنزي - تبوك
الصوره اللي بها طفلٍ يقبّل ملك
صوره تهز المشاعر ونتغنابها
لقلوب شعبك يا بو متعب.. حبك ملك
هذه حقيقة مشاعر والله أدرابها
علي بن معاضة - الرياض
يا مقبّلٍ صورة ملكنا معك حق
يستاهل التمجيد من عز داره
كف الملك بعد الولي صار مرزق
خلا قليل المال راعي تجاره
سعود بن عبدالعزيز الهزاع – نعام
مليكنا المحبوب يا طيب ساسك
حبيب شعبك من قديم السنينا
واجب عليّ أحب خشمك .. ورأسك
لأنك زعيم الدار ذرب اليمينا
نايف ماجد العصيمي الحوية
ما لومك يا اللي تقبّل أبوك عبدالله
هذا حبيب الشعب والشعب يفداه
هو صورته فالقلوب ويعلم بها الله
هو الوفاء والطيب . .والطيب بداه
عبدالعزيز بن محمد الروقي – الصفرات
يدوم عزك يابو متعب مع أيامك
حكم الشريعه على السنه مطبقها
تسهر عيونك لجل شعبك و جيرانك
و عز اليتامى ليا كبرت مصايبها
غازي بن قاعد العتيبي - الدوادمي
الفرح والخير عم البلد كله
يوم جانا طيب الساس متعافي
صيرمي يعقد الحبل ويحله
شال كل الحمل من فوق الاكتافي
عبدالله مذكر العقيلي
سحابة الخير تمطر من مناشيها
عنوانها السعد في وجه عبدالله
والدار سعدها بقدوم حاميها
الله يديمه ويجنبه الالم كله
حمد عبدا لله الوايلي - حوطة سدير
مفطور الطفل على حبك
ما هو تصنع .. و لا تمثيل
رضينا فيك وأرضيت ربك
تستاهل الحب والتبجيل
خيرالله طريف السويدي - حائل
يا خادم البيتين يا ذايع الصيت
أنت الوطن كله ودرعه ونوره
أنا رفعت الكف لأجلك وصليت
يحفظك ربي للوطن وانت سوره
عبدالكريم النغيمشي - الربيعية
صورة العدد بعدسة الزميل محمد اليوسفي
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070 زاوية (صوت الصورة)
ونرحب بالصور الهادفة والطريفة .. ويا هلا