راحة الانسان بالدنيا محالي من خبر نفس بها الدنيا سعيده

كتب بيت الأسبوع الماضي للصفحة الشاعر ناصر جمعان آل عوض من وادي الدواسر حول حياة الإنسان، وأن الله جعلها في كبد، والذي يقول:
راحة الانسان بالدنيا محالي
من خبر نفس بها الدنيا سعيده
وكان صدى البيت من الشعراء:
الصبر محمود في كل الحوالي
غبته تعجبك لو كانت بعيدة
والزم التقوى تراها بالعلالي
ربنا اللي يبتغيها من عبيده
الشقا موجود من اول وتالي
عاش من حط احسنات في رصيده
علي الرشيد - رياض الخبراء
الله وحده دايمٍ رَاعْ الكمالي
والعبد مالِهْ سوى ماَ الله يريده
ودنيتك فيها نزولٍ وارتحالي
التزم بالخلق واخلص بالعقيده
واشكر النعمه ضمان إمن الزوالي
والصبر تاليه حسناتٍ أكيده
«سعود عائش الحربي - جدة»
للسعة فوق الثرا فيها مجالي
و انظرو هابيل صاير له فقيده
وانثني واقول من ياتي مثالي
العسر و اليسر بآيات فريده
يمكن ان الخير باكناف الليالي
دون شك الحياة اضحت عنيده
محمد عبدالله الشهري - عسير رجال ألمع
اسجد لربك وعقبه لاتبالي
ومن رحل دنياه قلناله فقيده
مرضي ربه وحاسب للسؤالي
غيره مفرط ويجمع في رصيده
مايفيده وان ترك كثر الحلالي
والكبد موجد من خلقوا عبيده
ما عليها مستريح ولو يقالي
ذاك تاجر او فقير في حديده
حمد عبدالله الوايلي - حوطة سدير
الشقاء فيها ومضرب للمثالي
وكم نفوس ضيعت شي تريده
بحالة يرثى لها ضاع الحلالي
ومازرع يا للاسف ما هو يفيده
كم سلك درب شديد وبه جدالي
وماشين دروب ترى هذا حصيده
محمد بن عبدالعزيز الخنيفر - أشيقر
العمر لو طال قافيه الزوالي
جل شانه خالق الكون وعبيده
نطلبه فاالمغفره منش الخيالي
والعفو والصفح في يوم الوعيده
والبنادم ماعلمّ غيب الليالي
حظ من يجعل من التقوى رصيده
منير مذكر متعب العضياني
كم نفوس بحاجة والجيب خالي
مالقا المطلوب ولا شي يريده
كم سلك درب يمين مع شمالي
الحياة اليوم دروبه شديده
له يدين خاليه ولا به حلالي
جعل ربي يرزقه وفضله يزيده
ريان بن محمد - الخنيفر
بيت الأسبوع
كتب بيت الأسبوع الشاعر سعود عائش الحربي من جدة ويقول:
من لا جمع في شبابه شَيْ
لا شاب الايَّامْ يعصنه
نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة:
rb-khozama@alriyadh.com