انظم معانيها بعقد الجمالي

ابدا بيوتي بالحروف الفريده
انظم معانيها بعقد الجمالي
بحلى صورها من لغتنا المجيده
باوّل وثاني شطرها بعتدالي
تمام عقل اللي سموعه تفيده
تلزم وصاتي كان فيها مجالي
ثم بعْدها وان كان تبغى الاكيده
ثابر و بر ّالوالدين الغوالي
خاو الّذي بالطيب عالي رصيده
خلّه يمينك محزمك بالثّقالي
حاذر لسانك هو حصانك وسيده
حذرى يجيبك للخزى والخبالي
جارك وصاتك بالعلوم المفيده
جازيه بالاحسان واحسن مقالي
دارك عيالك والليالي مديده
دعم الأهل واجب على كل حالي
ذمّ البخيل ومجلسه لا تعيده
ذبّ المعرفه واشطبه لا تبالي
رافق صحابك بالدروب السديده
رفقة عزيزين الجناب العوالي
زك الذهب والمال للمستفيده
زكاة مالك فرض رب الجلالي
سافر تمتع فالبلاد البعيده
سفْره على الوديان بين الجبالي
شارك تصدق واحرص اجرك تزيده
شفاء دواء الاسقام والاعتلالي
صلاة رب الكون خمس ً أكيده
صل الفروض بوقتها بالكمالي
ضمّن كلامك صدق فاللي تريده
ضمان عند الناس يا ابن الحلالي
طرْق المعرفه والعلوم الجديده
طبقْ ذهبْ والماس من كل غالي
ظنّ الحسنْ والصدر صافي مديده
ظل الضمير اللي من الهم خالي
عالج وساويس الصدور المريده
عليك بالاذكار وردا ً يقالي
غصن الحياء لا تكسره لا تبيده
غالي من الايمان زين الخصالي
فك الضعيف اللي ديونه بقيده
فزعه تفك رباطها والحبالي
قم واترك اللي في كلامه نقيده
قاسي ويجرح فيه طيش وهبالي
كسْب القلوب اللي خصام وعنيده
كلمة صفاء والطيب فيها ظلالي
لا تترك المعروف ولزم وريده
لا تقرب المنكر حديده صوالي
من غش في شغله ونفسه بليده
ما ينفعه ربحه وماله زوالي
نطْق السلام من الصفات الحميده
نور السعاده باب فيه الوصالي
هدّ الحرام اللي مذاقه عريده
هات الحلال اللي مذاقه زلالي
وصل الأقارب فعل لازم تجيده
وفق المحبه والفعول الجزالي
يوم القيامه كلّ نفس ً شهيده
يوماً به الميزان حق وعدالي