في ساحة المصمك تراث وثقافه ترجع سنين الوقت قدام ستين شوف الولد صب الدلال بحرافه وشوف الذلول مجهّزه وين ينوين ماضي تليد ..وقبل جوع.. وكسافه مرّت سنينٍ يوم اهلنا قديمين واليوم من ربي رغد كل شافه امن وأمان وبرزق ربي سعيدين عبدالكريم النغيمشي - لوذة عرض التراث بجيلنا صدق وإحساس منظر ظريفٍ يفرح القلب والعين فنجال بنٍ رايقٍ يقعد الراس من دلةٍ صفراء بحكم القوانين من خلفها قصرٍ ومبنى على ساس والفاطر اللي وقفوها ميامين علي الرشيد - رياض الخبراء فنجال كيف يشد الراس وامهيله توّ مزلوله النشمي اللي عليه الباس رمز الكرم بان مفعوله اتراثنا .. اتراثنا للناس والمعتدي يده مشلوله عبد الكريم عبدالرحمن السلوم - القراين تفضلوا دله وفنجال محبوك في الساحة اللي من قديمٍ تناديك يوم الزمان اللي به الوقت مبروك والقصر شاهد في بداية مباديك سموه مصمك والجدر فيه مسموك يومه محصّن وقت منهو يعاديك الله من عصرٍ مضى له على الشوك والعج والدخان ثاير وحاديك حمد عبدالله الوايلي - حوطة سدير في ساحة المصمك تراث وثقافه ترجع سنين الوقت قدام ستين شوف الولد صب الدلال بحرافه وشوف الذلول مجهّزه وين ينوين ماضي تليد ..وقبل جوع.. وكسافه مرّت سنينٍ يوم اهلنا قديمين واليوم من ربي رغد كل شافه امن وأمان وبرزق ربي سعيدين عبدالكريم النغيمشي - لوذة من ضمن ماروث نشر في الجريده شد انتباهي من المعاميل دلّه بغدادي الصنعه حسب ماتريده البن مايسود من الفوح كلّه في يد رجال تراثه يعيده كيفه يبهرها على جال ملّه يا كم دارت عند راعي قصيده و كم كيفت راس بدا فيه علّه سعود عبدالعزيز الهزاع - نعام عاداتنا درب الكرم ما نخليه هذي طبيعه من سنيننٍ قديمات والضيف لاشرف دوامن نحييه اهلا هلا به عندنا كل حزات منا له التكريم ياحيث نغليه عزيز وغالي في مجيه سعادات واجدادنا عاداتهم دوم نمشيه سلم الكرم لضيوفهم دوم عادات محمدعبدالعزيز الخنيفر – أشيقر تراثنا باقي على مر الأجيال فيه الدروس القاسيه وقت الأجداد يبقى الكرم رمزٍ مع الضيف فنجال والدله الصفراء معاميل وشداد والصوره اللي تجمع اليوم تهتال من بينها الركبي على ظهره الزاد عبدالمحسن بن محمد المحيسن - رياض الخبراء عاداتنا وتراثنا نجوم وأقمار من شأنها نكسب جمالات وتقدير والرأيه الخضرا على غالي الدار مضمونها التوحيد به نقتدي نسير وسفينة الصحراء لها كل مقدار وأدوار تذكر الرخا .. والمعاسير والضيف له حشمه.. وبنٍ ..وابهار في دلةٍ صفراء .. وحلو التباشير سعود عائش الحربي - جدة نحفظ تراث اجدادنا رجالٍ اخيار صورة عزيزه ذكرتنا بغالين في مجلسٍ فيه السوالف والاذكار بحضور ربعٍ من رجالٍ عزيزين تلقى القصص مابينهم زين الاخبار مع النشاما .. والرجال العريبين وياما حلا المجلاس ونزول الامطار بارضٍ ربيعٍ من شمال ويمين ريان محمد الخنيفر - أشيقر نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] ويا هلا.. صورة العدد السابق
