يحليلهن في شكلهن يخزي العين ست البنات اللي عليهن مخانق تذكرن كيف الطبخ وقت وسنين سنا النارللدخان بالجو عانق ثم جانا جيل مايبون المواعين جيل الهمبرجر وبيتزا والنفانق خالد بن ناصر المخيمر - روضة سدير يازين لبس السعوديات ساتر ولافيه منقود ابريق او دله وشبات تلقا الكرم فيه موجود الصوره اللي بها بنيات تحكي لنا ماضي اجدود عبدالكريم عبدالرحمن السلوم - القرائن ستة بنات ابليس أول جميلات ومبرقعه لهن تصب الشاذليه صورة(ن) تحمل عديد الدلالات عزومه أو حفله محبه وشعبيه ودرس لهن لاعين صارن عروسات يحستن إدارة عش الزوجيه للي مضى طعام مع لبس طربات نظافه حشمه ونفس نقيه سعود عائش الحربي يازين جلستكم على وجار مع نار فيها البراءة حاضرة في العيوني صب قهوه واشرب من البن يا صغار مع ذكر ربي مابه احدٍ يهوني الخير واجد فضل ربي على الدار دلال وأباريق وما يطلبوني عثمان ابراهيم الرشيد- الرياض تغيرت مبادي الناس للناس وكلً جلس في زاوية ب محله ما عاد به منقل وجمره ومحماس وما عاد به ضيفٍ وبريق ٍودلّه أطالع الصورة .. وتمليني إحساس وماأقول غير إلا ما شاء الله ما شاء الله مشعل بن بداح الخمشي - الرياض ست البنات ﻻبسات الزراكيش ومن بينهن دله وبراد شاهي والنار حيه يابنات المداغيش جلسة كبار وملفتين انتباهي هذا زمان راح وقت المغابيش تراثنا اللي فيه نفخر نباهي حمد عبدالله الوايلي- حوطة سدير الماضي اللي يرسمنه صغيرات ملبو سهن معروف ثوبٍ تراثي والدلّه الصفراء على النار مركات وحده تصب الكيف طبع وراثي بين البنات اليوم فرحة وضحكات صورة فريدة ذات بعد ثلاثي عبد المحسن المحيسن- رياض الخبراء يازين وقتٍ فيه سلم العرب حي شف الصبايا من الصغر عندها اشغال للمناسبة لبس البنية بذا الزي مسفع ومعضد والشعر ضافيٍ طال قبل الاباد وموضةٍ وشي يلهي بنت الثمان سنين تبهّر لك دلال سعود بن عبدالعزيز الهزاع - نعام يا حلو يا ناس هالست البنات منظرن يعجبك بالزي القديم كم يذكرنا بسنين ماضيات بزيهن يا حلوهن بدور الحريم وحدتن منهن توقف بالثبات وصبت الدلة بالشكل السليم محمد عبدالعزيز الخنيفر/أشيقر ياماحلا لبس العجايز على بنت إيحاكن الماضي إبزاهي إعصُوره في لبسهن مشكُور يالليّ تفننت تراثنا الماضي حفظته إبصوره فهد بن عقيل الطويان - بريدة صورة رهيبه شفتها فا لجريده صورة بنات دورها طور قد فات بنات منول لبسهن دوم سيده ماهمهن كسره ولا كتف بالذات ما ياكلن برقر ولابه عصيده جغمة البين واكلهن بضع تمرات خليف الحربي / الرياض كل لبس في يوم عيده جديده شفنا جموعٍ بن اقارب وحبان والطفل غرد فيه باجمل نشيده والابتسامه والفرح وقتها حان يوم التهاني والحلا به عديده تجمع الاسره على الزاد سيِّان احمد السمحان - الزلفي ست البنات يسولفن جالساتي يمثلن عصرن مضى الكل ناسيه هذي فعول أجدادهن سايراتي وتراثنا الماضي لا بد نحييه في نظرتن يا زينها غالياتي سلم الكرم هو سلمهن ذي مماشيه ريان محمد الخنيفر من لبسهن منضرهن في مظهرن زين تجمعن عند المعاميل والنار وفنجال دله سيق قضن بتقنين بالزعفران وخالطه بن وبهار محمد إبراهيم الفهيد - الزلفي يا محلا شوف البنات المزايين وتراثنا الشعبي كساهم لباسه الله يوفقهن بخدمة هل الدين ويحميهن الله من دروب النجاسه ناسات حارب فالخفى عدة اسنين تبا التبرج والعري والخساسه لازم نكثف صفا بالميادين وناقف بوجه اهل الردى والدناسه محمد دخيل العتيبي - الخرج نرحب بمشاركاتكم الشعرية وما تلتقطه عدساتكم من الصور الهادفة والطريفة .. على إيميل الخزامى: [email protected] أو الفاكس رقم: 0114871070 صورة العدد السابق
