هذا هو النامس .. بلوصف معروف

اللغز

كتب لغز الاسبوع الشاعر عبدالمحسن المحيسن من رياض الخبراء ويقول:
انشدك عن ورع صغير وموصوف
ضعيف قوه والفعايل خطيره
سميه اللي بالشهامه ومعروف
الناس ضده تكرهه كل ديره
والرمعات الصحيحة للغز:
عز الله انه لغز والحل معروف
واجيب حله للجموع الغفيره
النامس اللي دايم الدوم مخطوف
وترى سميه ترغبه كل ديره
احمد بن ناصر المحرج - الرياض
يامرحبا و اللغز واضح و معروف
للطيب يذكر وللبشر طيب سيره
يابو محمد لغزك اليوم محيوف
ناموس حله و السمي فيه طيره
محمد ابو دحيم - البدائع
لغزك ياعبدالمحسن واضح ومعروف
نامس هو اسمه مابه اليوم غيره
وهقيتها الناموس واضح وموصوف
حليتها من دون شك وحيره
حميد ذعار العجل - الرياض
يامرحبا إعداد ما تصافح كفوف
باللغز و راع اللغز واللي يديره
و الحل واضح و لا على لغزكم حوف
النامس و الناموس مافيه غيره
حبيب بن فريح الحربي - البدائع
يا مرحبا بك عد ما تكتب حروف
وعداد من يسكن بشبه الجزيرة
اللغز حله ضمن الافات مشيوف
ناموس محقور فعوله خطيره
علي الرشيد- رياض الخبراء
اللغز واضح بين الاصحاب موصوف
والحل ارسلته ولا فيه غيره
ناموس موجود بلا وصف معروف
مكروه للعالم وتبغض مسيره
فالح الحربي - رياض الخبرا
هذاهو النامس بلوصف معروف
كلن ترا منه يريدالسلامه
حاذور ترقد ياملا الليل مكشوف
كم واحدن منه تكدر منامه
سعد صنهات السهلي - الدرعية
لغز الاسبوع
كتبه للصفحة الشاعر سعدون بن مرزوق من الجبيل الصناعيه ويقول:
انشدك عن بنتٍ وتنس للأصفار
في ساعة فيها مهاجيع ورقود
ألها سميه ياهل الطيب والكار
واللي صنعها عارف النقص والزود
بنتٍ على ما قيل وان صار ماصار
معروفةٍ وان ثار ملحٍ وبارووود
نستقبل الحلول على البريد الإلكتروني
rb-khozama@alriyadh.com
أو الفاكس 014871070