ساعة صفر تدق في حالة إنذار

اللغز

كان لغز الخزامى الاسبوع الماضي للشاعر سعدون بن مرزوق من الجبيل الصناعية والذي يقول:
انشدك عن بنتٍ وتنسب للأصفار
في ساعة فيها مهاجيع ورقود
إلها سميه ياهل الطيب والكار
واللي صنعها عارف النقص والزود
بنتٍ على ما قيل وان صار ماصار
معروفةٍ وان ثار ملحٍ وبارود
والرمعات الصحيحة من عشرات الحلول:
يا مرحبا يا ماكر الطيب والكار
يا مرحبا و الحل عندي و موجود
صفارة الإنذار في وقت الأخطار
الله يديم الامن و العالم رقود
محمد أبودحيم- البدائع
مبطين ياسعدون ياواف الاشبار
حياك ربي عد ماهبت النود
وصح الله لسانك ومانيب محتار
والحل ساعة صفر والحل ماكود
احمد بن ناصر المحرج - الرياض
سعدون هاذى بنت لاسابق انذار
بها على ماقيل حاوى ومردود
اشارتن للحرب بل فعل لاثار
ساعة صفر مابين صايد ومصيود
سعد صنهات السهلي - الدرعية
دونك جواب اللغز والحل باشعار
من ضامر للحل راهي وبه زود
ساعة صفر دايم قريبه للاخطار
الله يمنعنا خطر كل مقرود
صالح المرشود - الرياض
امرحبا بك عد الانفس والاشجار
وعداد مايجلب من الضان والذود
واللغز حليته وقلبت الافكار
واقول حله ساعة الصفر ماكود
علي رشيد الرشيد - رياض الخبرا
ساعة صفر تدق في حالة إنذار
أجراس معروفه لها وقت معهود
ساعات مختلفه لها أزرار وأسرار
دقاتها تنبيه في وقت محدود
عبداللطيف الحُمَيَّانِي - عنيزة
لغز الاسبوع
كتبه الشاعر صالح المرشود من الرياض ويقول:
انشدك عن رجلين من دم وعروق
في جوف عود له بنات كثيره
واحد كبير وينفعك داخل السوق
وواحد صغير حول ثغره خطيره
نستقبل الحلول على البريد الإلكتروني
rb-khozama@alriyadh.com