حله لسانٍ داخل الفم مخلوق ولسان مسمارٍ بنفس الوتيره

اللغز

كان لغز الاسبوع من طرح الشاعر صالح المرشود والذي يقول:
انشدك عن رجلين من دم وعروق
في جوف عود له بنات كثيره
واحد كبير وينفعك داخل السوق
وواحد صغير حول ثغره خطيره
والرمعات الصحيحة من الحلول:
يااللي كتبت اللغز موزون مطروق
محبوك لغزك والمعاني وثيره
حله لسانٍ داخل الفم مخلوق
ولسان مسمارٍ بنفس الوتيره
احمد بن ناصر المحرج - الرياض
يامرحبا بك عد ما لاحت بروق
و اعداد ما لاحت مزون كثيره
لسانك المملوك في كل منطوق
وخوه حليق الموت مايستشيره
محمد ابودحيم - البدائع
يا مرحبا بك عد ما تمشي النوق
وعداد من يسكن بكل الجزيره
ترى الكبير لسان والعلم موثوق
ولسان مزمار بتال المسيره
علي الرشيد - رياض الخبراء
لغزك على ماقيل صعبن ومرموق
قلنا اللسان حليق موتة قصيرة
منتب على ذا اللغز بالفعل مسبوق
هذا تراه الحل مافيه غيره
سعد صنهات السهلي- الدرعية
ياللي كتبت اللغز مكفين العوق
الحل دوكياه مافيه غيره
اخذت لي يومين تفكير برفوق
لسانين بفمك حول سن شطيره
خلف الجزاع الاسلمي-الخفجي
وتوصل للحل نثراً
خلف بن عايد السّحوم- بريدة
لغز الاسبوع
كتبه للصفحه الشاعر احمد بن ناصر المحرج من الرياض ويقول:
رجل تزوج له بنيات اموات
ثم قام يبرمهن بغار على الهون
مابينهن في شكلهن اختلافات
وجميعهن يمشن على درب موزون