اللغز

كان كاتب اللغز الماضي الشاعر عبدالله صالح الأطرش من الرس والذي يقول:
انشدك عن عود به الخير مدفون
ربع الهنوف اللي به الناس شاقين
له هيبة قشرا على مايقولون
من طلعة الدنيا من اول وهالحين
و توصل للحل:
اللي حبكت اللغز للناس يحلون
ناس تحاول وناس بالحل ضارين
الربع الخالي به الخير مدفون
بارض الهنوف وناسها اليوم غالين
خليف بن فهيد الحربي / الرياض
أهلا هلابك عد ماهلت مزون
وعداد ماطافوا ولبوا ملبين
يامبدع (ن) في بدع الألغاز لاتهون
ذا (ربعنا الخالي) بليا براهين
هذا جوا ب اللغز والقلب ممنون
لصفحة روادها بالملايين
راشد الشقيق/ القصيم
امرحبا ترحيب مليون مليون
اقلط تفضل عند ربعٍ ميامين
صحة لسانك دوم بالي تقولون
ربع الخلا مابه بيوت ودكاكين
سالم البشري/ الجبيل
اللغز هذا ما يثمن بمليون
لو هو يباع أشريه بعشرة ملايين
عندي أنا ما هيب قولة يقولون
والربع الخالي عندنا له عناوين
راكان عبدالرحمن العريني-البدائع
ياللي كتبت اللغز بالعون بالعون
اللغز واضح ما يبي له براهين
الربع خالي فيه ناس يضيعون
يا ما غدا به من رجال وسلاطين
حبيب الشامي-البدائع
قريت لغز يا عرب كله فنون
طرا عليه حال ناس قديمين
في ربعنا الخالي من الخير مكنون
الله يحرسه ضد ناس معادين
طلال الرشيد - الجبيل
باللي طلبت الحل حاضر وممنون
وبرسله هالحين ماقول بعدين
الربع الخالي حل لغزك ومضمون
الله يديم الحب بين المحبين
محمد ابودحيم العريني
أهلا يابو صالح وحييت مليون
اللغز وافي والخزامى وفيين
الحل مني ياصلك مابه ظنون
الربع خالي والنشاما حريصين
علي رشيد الرشيد
يامرحبا تعداد براق بمزون
وأغلى تحيه لأبو صالح ملايين
الحل واضح واكتشفته على الهون
في ربعنا الخالي بلى زود تخمين
فالح غازي الحربي - رياض الخبراء
النفط له قيمه مصدَّر ومخزون
بعض الدول تجني ابيعه ملايين
خامٍ ببطن الأرض سرٍ ومكنون
في ( ربعنا الخالي)من أعوام وسنين
عبداللطيف الحُمَيَّانِي / عنيزة
يا مرحبا ترحيب عقب التلفون
عبدالله الأطرش من عزاز غالين
لغزك نحله يا بوصالح ومضمون
في ربعنا الخالي نرى الحل ويبين
صلاح بن عبدالله اليابس - الدمام
لغز الأسبوع
كتبه للصفحة الشاعر احمد بن ناصر المحرج من الرياض ويقول:
انشدك عن رجال مبطي وموجود
والعلم عند الحي مازال به روح
جاء ضيف حل بمنزله وقت معدود
زانت لضيفه عقبها دروب وصروح