الحل سيخ به دجاج سمينات

اللغز

كان لغز الاسبوع من طرح الشاعر احمد بن ناصر المحرج من الرياض والذي يقول:
رجل تزوج له بنات كثيرات
اموات يبرمهن بغار على الهون
مابينهن في شكلهن اختلافات
خواتها معها على درب موزون
ورمعات اللغز الصحيحة من الشعراء:
أشو الدجاج ولا يجي فيه نيات
بالصيخ درجهن على الهون بفنون
هذا جواب اللغز مابه متاهات
أرسلت حله للنشامى ولا تهون
محمد أبودحيم - البدائع
سلمت ياللي صغت لغزك بالابيات
ياللي ببدع اللغز بالجزل مرهون
والشوي جا وقته على كل مشهاة
والحمد للي عنده الرزق مضمون
خالد بن ابراهيم المرشود - الرياض
اخذت لي فتره وفتره و سجات
و لقيت حل اللغز و الحل مضمون
هات الحطب و احضر معه عشر فرخات
نبي نشب الفرن للربع يشوون
مشاري حمد السحيباني - البدائع
أهدي لأبو ناصر سلام وتحيات
عداد من صلوا وقاموا يطوفون
والحل سيخ به دجاج سمينات
قامن يدورن والزباين يشوفون
علي رشيد الرشيد - رياض الخبراء
وعلى طرق الهجيني:
للغز حله دجاجن هات
بصيخ ياللي لنا تشوون
ذي رمعتي غيرها رمعات
رمعه تراها مغير اضنون
سعد صنهات السهلي - الدرعية
لغز الاسبوع
كتبه للصفحة الشاعر خالد ابراهيم المرشود من الرياض ويقول:
ويش البنات البينات الذليلات
متوازيات يهينهن كل رجال
فيهن تقدى لاجل فيهن شارات
وعيونهن زرق على كل الاحوال
نستقبل الحلول على البريد الإلكتروني
rb-khozama@alriyadh.com