يامكرر بالحج فالحج مره خل الحجيج اللي لفت تقضي الفرض

بيت وصدى

بيت الاسبوع كتبه الشاعر عبدالكريم بن خزيّم حول مبدأ الاكتفاء بالحجة الواحدة والتي يسقط المسلم فيها فرضه وعدم مضايقة الحجاج ومزاحمتهم بتكرار الحج:
يامكرر بالحج فالحج مره
خل الحجيج اللي لفت تقضي الفرض
وهذا صدى البيت من الشعراء:
اللي قضى حجه فيلزم مقره
خل الذي محتاج يدعي على الارض
الناس تاتي من بحوره وبره
حتى يحزوا حكمة الله من الفرض
مهوب لازم كل عام تكرّه
تصنع لك اعذار وهمية بلا غرض
يمكن تبي خير وتكسب بضره
والا الذي ماحج يبقى كما القرض
علي الرشيد - رياض الخبرا
أبو رجاء عود وعاد لمقره
وقوله صحيح وزحمة الناس تمرض
ما قال غير الصدق لله دره
الحج مره وما بقولي تحرض
خل الضعيف يحج حذرا تضره
من شدة الزحمات ياما يتعرض
في حجته واجب علينا نسره
ولا تضايق الحجاج لاقمت بالفرض
محمد بن عبد العزيز الخنيفر - أشيقر
هذي بيوت النصح وفيها المسره
وانهيت حجك واجبن تمسك الارض
اللي قضى فرضه لا لا يكرّه
ياما نفوسن يمه اليوم تركض
ارحم ضعيفن قادمن لا تضره
وباذن الولي ايام وفيها تعوض
وبعض البشر في كل عامن مصره
انها تحج وفاعل الخير يرفض
ريان محمد الخنيفر - أشيقر
اهلن بحجيج البيت بحره وبره
واللي مع الاجواء ينزل على الارض
اقضو مناسكم بخير ومسره
وعودو لاهلكم بخير ليانتهى الفرض
من ساعد المسلم لله دره
جزاه من ربه في ساعة العرض
ومن جاب سمه في زهابه يصره
سمه على وجهه بالطول والعرض
شجعان بن سعود المقاطي - الرياض
ياللي تحج مرار يكفيك عمره
افتح مجال للي ماكمل الفرض
نشره على الواعي ولله دره
الملتزم بالعلم بالطول والعرض
خل البعيد اللي يواجه بعسره
يرتاح في حجه ولا يفترش بارض
ومن ياخذ التوجيه كل ويسره
لاتثقل الكاهل ولاتكثر القرض
عبدالمحسن بن محمد المحيسن - رياض الخبراء
يالي نويت الحج قصدك مبره
الحج مره في العمرتقضي الفرض
وسع على الحجاج خل المضره
لاتضايق الحجاج وتضيق الارض
كم واحدكفاك خيره وشره
سالم من المشواروايضامن القرض
والي يحج بكل عام ويمره
هذى مخالف ماشي الطول بالعرض
حمد عبدالله الوايلي - حوطة سدير
بيت الاسبوع
كتبه للصفحة الشاعر خليف فهيد الحربي من الرياض ويقول:
لوالله اللي برد الوقت ياخليف
واكبر دليل سهيل نسنس براده
نستقبل صدى هذا البيت بأربعة أبيات حتى يوم الاربعاء القادم ويفضل الإرسال عبر الإيميل:
rb-khozama@alriyadh.com
أو الفاكس 0114871070