"الذبياني": حنا مقابيس الوطن ورجاله نُقدم بروح إصرار

نظم الشاعر السعودي طالب الذبياني قصيدة بعنوان "وحدة وطن"، بمناسبة انطلاق عملية عاصفة الحزم بقيادة المملكة العربية السعودية، وبمشاركة تحالف عربي ضد الحوثيين في اليمن.
وقال الذيباني في قصيدته:
دام الوطن بقلوبنا وأعينا *** الأمن فاله والمحبة فاله
حنا وإذا ما قلت حنا حنا *** قد الكلام اليا حدانا قاله
إن دخّنت منّا وهبّت منا *** حنا مقابيس الوطن ورجاله
نُقدم بروح إصرار إنّا إنّا *** إنا على دك العِدا عجّاله
ما عمرنا للطايشين أذعنّا *** ولا سمعنا هرطقات حثاله
إلا على العهد الوفي ما خنّا *** من عهد بو تركي لعهد أنجاله
اللي يعنون النجايب عنّا *** يطوعون اللي تعصّى حاله
لا هان لا هان الوطن لا هنّا *** ولا يهون مروّض العيّاله
نحضن قيادتنا وهي تحضنّا *** متبادلين الحب والإجلاله
وحدة وطنّا في سبيل وطنّا *** كم من دفق روحه وقدّم ماله
وكل ثاير يدعي أنه منّا *** كذاب منّا لين يفنى حاله
لا يعتزي فينا ولا يزبنّا *** ولا يُهمِّل في وطنّا جماله
حنا القيادة والقيادة حنا *** محد يفرق بين أبو وعياله
في العنق بيعه والوفا ديدنّا *** معي ملكنا لا ولاء إلا له
ملك بحبه حاطنا وأسكنّا *** في القلب وأقصى همّنا واشتاله
عشنا ربيعه والفقير تغنّا *** مربعين الشعب في شلاله
حنا عصاه القاسية ما لنّا *** من كفه اليمنى لكف شماله
بأريافنا وديارنا ومدنّا *** وحضرنا وبدونا الرّحاله
لادن طبل المعركة دندنّا *** عيال رجالٍ نسب وسلاله
دماي الأعدا في المقابض حِنّا *** ودماينا للدار عطر رماله
نعقّل المهووس والمنجنّا *** واللي ورم فكره نشخص حاله
نناصحه وإذا بدا يتجنّا *** حنّا على استعداد لاستئصاله
من دون وحدتنا سيوف تُحنّا *** واللي نوى شقر العصاة يبا له
فركة خشم من كل فارس منا *** حتى يتوب ولا يعيد أفعاله
div class="addthis_inline_share_toolbox_3adf" data-url="https://www.almowaten.net/?p=316992" data-title=""الذبياني": حنا مقابيس الوطن ورجاله نُقدم بروح إصرار"