حنا فداء للوطن بالروح والمالي

يوم الردي مافداه بروحه وماله
اليا دعانا نجي رجلي و خيالي
في واجبه لأحتمى الميقاف خياله
لا قامت الحرب يفزع كل رجالي
ماتوخذ الدار تاقف دونها ارجاله
حنا عرب والعرب صلفين الافعالي
يكيفك سلمان باقواله و بافعاله
جمع جيوش العرب من كل مدهالي
وحرك جيوشه على الحوثي بمدهاله
بعد اظلم الليل كلن بالسهر سالي
سلمان سهران يرقب عودة عياله
اللي على الطائرات ارسلهم ارسالي
بواجب(ن) للوطن يازينها ارسالة
ارسالة(ن) خلت أهل الغرب تهتالي
من قوها كل شعب الارض مهتاله
دكوا حصون العدو بانواع واشكالي
تطبيق ناجح لفن الحرب واشكاله
ماجمعوا من جيوش اسنينن اطوالي
ما كملت يوم مع سلمان و رجاله
فعل فعايل معزي طيب الخالي
سلمان طيّب وطيب الرجل من خاله
ولا يهون مقرن عطيب الكف لاصالي
حرب الوديعة،، شرورة شافن افعاله
وولي ولي عهده طيب الفالي
شبية نايف محمد طيب (ن) فاله
ووقفة وزير الدفاع بكل الاحوالي
وقفة بطل برهنت با افعاله اقواله
حكومة (ن) ياعساها دوم بالعالي
عيال عود(ن) عسى الفردوس منزاله
وانا متقاعد فداهم روحي ومالي
والا الردي مافداهم روحه وماله
الواء - متقاعد
مساعد بن عبدالعزيز القبع الحربي