ابن البدءو

يصافحنا للمرة الأولى , وشاعر مثله مكسب لكل متذوق للشعر الجزيل الذي يحوي العمق والأصالة .. هنا يحدثنا ابن البدو السميري عن هواجيس متعددة .==1==
انا الليله حزين وضايقٍ صدري ولا ادري ليه==0==
==0== اشوف الحزن قدامي واشوف الهم يبرالي
سرى ليلي وانا سهران واشيل القلم والقيه ==0==
==0==اطشه لاعجز يكتب هواجيسٍٍ على بالي
هواجيسي تلف الكون من قاصيه لا قاصيه==0==
==0==وانا في مجلسي ما بين ضو النار وادلالي
دلالي راس مالي لا ريال ولا كنزت جنيه==0==
==0==ابدّيها على حاجات نفسي وارخص الغالي
ولا جيت اتصنع والتصنع خاسرٍ راعيه ==0==
==0==ورثت الطيب من جدي وابوي وعمي وخالي
يقرّ الءنا الكريم وكل حرٍصادقٍ نزيه ==0==
==0==ويجحدنا الجبان المستهان وكل محتالي
انا ابن البدءو . بيت السدو كنت ابنيه واسكن فيه==0==
==0==احب المنزل الخالي واحب المرقب العالي
ومنازلنا البيان ولا نزلنا منزلٍ نخفيه ==0==
==0==وارباع بيوتنا يوم القسا للضيف مدهالي
نجوب الارض طول وعرض برّاق الحيا نتليه==0==
==0== لجل عُءرب البكار اللي يسلي شوفها الجالي
لنا التاريخ معها ناصعٍ ما يقبل التشويه ==0==
==0==حميناها بحد السيف يوم الدم شلالي
وعجزنا عن علفها يوم جات وجيه دون وجيه==0==
==0== صدفنا ما صدفنا فالليالي والله الوالي
وخذوها اهل الفلوس ولا بقا شيً بها نرجيه==0==
==0== ماغير نشوفها بعيوننا ما عاد نحتالي
كلامٍ يحزن ابطال الرجال ويضحك السفيه ==0==
==0==وعدات السفيه يقول وليا قال ما طالي
وسيع الصدر ناقص قدر يضحك والغبا معميه==0==
==0== لوأنك قلت له (ياهم لالي) قال يا لالي
اسالك يا كريمٍ من طلب منه الفرج ينجيه ==0==
==0==تجير القلب من جور الهموم الي برت حالي
عيوني تسهر الليل الطويل ولا قدرت اسريه ==0==
==0==وكم دربٍ ليا مني نويته ما تهيا لي
تقيّدنا لوازمنا مثل من قيّدوا رجليه==0==
==0== قيادٍ من حديد ومن وراه ابواب واقفالي
وليا ضاعت مراميع الحكيم وفطنة النبيه ==0==
==0==نزحت بهاجسي وامسيت في جو الخلا الخالي
واسج امعَ الكلام اللي يكمّل بيّنه خافيه==0==
==0== على الميزان ما ينقص عن المطلوب مثقالي
ولا والله كتبت الشعر حتى يمدحه قاريه==0==
==0== ولاهاجمت نقادي ولاطاوعت عذالي
ولا دقيت باب الشهرة اللي ما ربح ناصيه==0==
==0== ولا جيته ولا تعّبت له خطي ومرسالي
لقيت امن الشدايد مالقا غيري من الترفيه ==0==
==0==شباب بعقل شايب مدركٍ في كل الاحوالي
ارافق كل طيب والردي لا مرّني طاريه==0==
==0== طلبت الله يباعد بين منزاله ومنزالي
يطول الشرح في بعض العلوم وما بديت انهيه ==0==
==0==بذكر اللي فلق بحره لموسى واغرق التالي==2==