البقى بسلمان حلاّل الصعايب

حنا خوان نورة من وقت النجايب
ما يضاهي حكمهم خير وعداله
الكل منهم مجتهد للشعب طايب
رفعة الإسلام ورجال الشكاله
يا سحاب أمطرتي من عيني سحايب
هو أبونا الوافي وحنا عياله
ياعسى مثواه لجنانٍ طايب
لعالي الفردوس مع صحبه وآله
الصبر محمود في وقت المصايب
والحزن عم الوطن كلن بكى له
والبقى بسلمان حلاّل الصعايب
الوطن والدين هوهمه وباله
خلي المراسم، نصى جزل الوهايب
ساجد(ن) لرضاه والقنهم رساله
مفحم العدوان فكاك النشايب
خيره عميم وكل مخلص دعى له
تحت ظله كلنا إخوان وحبايب
من جنوب وشرق وغربه مع شماله
واضح المنهج قوى الراي صايب
صافي النية وشعبه له صفى له
ومقرن اللي كل أفعوله رهايب
ولي عهد المملكة والعز فاله
رجل السياسة والإدارة والنوايب
ذخر منهو من زمانه اشتكى له
ومحمد ابن نايف عطيب الظرايب
القن الإإهاب درس(ن) ماحسى له
احتوى اللي رجع منهم جاه تايب
منهجه كل الدول تطلب مثاله
الشعر والنثر دون المجد هايب
يعجز الاعر شعوره مع خياله
مرزوق بن غازي الجميلي الحربي