رجال أغلى من جميع الكسايب

في يوم الثلاثاء 25/11/1426ه هزني خبر ماحصل لرجال الأمن في القصيم.. وكتبت هذه القصيدة تفاعلاً مع الحدث..
ياخمسة راحوا بليا حسايب
في خدمة الإسلام والدين يمشون
الله يرحمهم جزيل الوهايب
ولعلهم بجنة الخلد يأوون
ماودعوا لأطفالهم والحبايب
يبي إلى خلص عملهم يعودون
رجال أغلى من جميع الكسايب
ياكيف من نذل بساعة يروحون
جاهم خوي إبليس ماهوب تايب
وأشرارها عن فعلها ما يتوبون
مزامر الشيطان بوم الخرايب
من طاوع الشيطان ملعون ملعون
ماخاف من دعوة عجوز وشايب
اللي إلى جاء بآخر الليل يدعون
ضيع طريق الحق ماهوب صايب
وياعل شكله كلهم ما يعيشون
ضلوا وخايب سعيهم دوم خايب
ياويلهم من ربهم ما يخافون
حياتهم كله تراها مصايب
عجلين بدروب المشاكل ويمشون
وجنود ابو متعب تفك النشايب
روس الأفاعي في جزمهم يدوسون
ملكينا اللي له تهون الصعايب
يقول حذرا دينكم لاتغلطون
العاهل اللي به تطيب الأطايب
وأميرنا سلطان بالخير مقرون
إخوان نورة فعلهم دوم صايب
اللي لمكة هي وطيبة يخدمون
نعم الرجال مذللين الصعايب
اللي إلى قالوا بالأوعاد يوفون
ياشرذمة ياللي خسيس وخايب
حنا ترى بحلوقكم كان تدرون
ونجيبكم تمشون مثل الجلايب
تخسون ياهل الدون تخسون تخسون
حصة عامر الرميح - الرس