دارنا شمس البرية

عد ما ذعذع نسيم وعد ما هبت هبايب
وعد ما تشرق شموس المجد في نجد العذيه
وعد ما تنبت فياض الارض من وبل السحايب
وعد ما ناحت على جرد الغصون الراعبيه
يا هلا بك يا قصيد صيغت حروفه ذهايب
من عزيز في عزيز وجهته للعاذريه
من ولد تركي تبدت شيخة تحيي الرغايب
مهرة للشعر ميلاف سعود فيصليه
من بعدها يا قصيدي كف عن زود الزرايب
وانحت القيفان وإلا هيه لا تقبل عليه
شرق بها وغرب بها سوقها سوق الحرايب
وانحر اللي للقصايد في تواصيفه شهيه
من نسل تاج الملوك وصلب فكاك النشايب
خادم البيتين نصر الدين وسهوم المنيه
الفهد فهد العروبة والاصالة والنسايب
الزعيم اللي فلا به مشبهه والا حليه
والعمام سعودها واسودها عند النوايب
ماخذ منهم شموخ وسطوة مع مقدريه
من ولي العهد عبدالله خذا خفض الجنايب
والشفافيه وصدق القول وعزوم قويه
ومن نديم الجود سلطان الوطن عند اللهايب
الطلاقة والحذاقة والبذل والاريحيه
ومن وزير الامن نايف ماخذ نطح الصعايب
وفيه من سلمان عرف وفيه من وصفه رويه
وفيه من جدة سميه وفيه من كل القرايب
من عمامه من خواله فيه من كل مزيه
فيك يا عبدالعزيز العز مجدول الذوايب
من عصر جدك ومن عصر الجدود الاوليه
يا وطن فخر الرجال ويا وطن غال الكسايب
فيك يومض برق عز وفيك تصهل ضامريه
وفيك حكام تلاقي الشعب بصدور رحايب
عامرين الدار والبيتين بيدين سخيه
يا وطنا فيك عشنا عمرنا والكيف طايب
ما تغيرنا مساعي حاقد والا سويه
قل لخبل ما تسمى وشد بعد باقي عجايب
عقب هاك الزحف وش باقي بعد من سو نيه
من يقاشرنا يجي له يوم والمسكين خايب
ومن تورط باغتيال رموزنا يصبح ضحيه
يافقيه ما تفقه كود في نشر الكذايب
ملوكنا فخر الرجال ودارنا شمس البريه
والقصايد في معازيب الوطن خضر عذايب
حبرها الايمان يدفعها وتدفعها الحميه
ما يفيد الشرح للي عن سوي الفهم غايب
ولا تفيد دروس للي عايش في جاهليه
في صلاح النفس اصلاح الوطن والعيب عايب
وفي وطنا للصلاح رموز ونفوس رضيه
يرحم الله اربعين سندوا فوق النجايب
وعزم ابو تركي يشد الحيل من عزم المطيه
ادرس التاريخ ياللي ما عرف سيف العطايب
واسأله ينبيك عن فعل الاسود اليعربيه
يا وطن جيتك شعور صادق من قلب ذايب
جيت افاخر بالملوك وجيت امجد بالرعيه
جيت يدفعني الولا والحب وسلوم العرايب
مطرفي من هذيل ان قيل أي المطرفيه
جارك الله من نفوس تبتغي فيك الخرايب
من خوارج من حواسد من عقول عنجهيه
محمد بن سعد العجلان