فقيد القبيلة

يا الله يا منزل تبارك وياسين
يا عالمٍ بالحال عدله وميله
رحماك يا ربي بريف المساكين
قايد سرايانا فقيد القبيلة
واجدينا اللي غاب في ليل الاثنين
والجدي لا من غاب وين الدليلة؟
جدي يدل التايهين البعيدين
يدل به من ضاع في عز ليله
شيخ الشيوخ مرجحين الموازين
اللي ليا ضاقت علينا نجيله
لا جيت قصره شفت فيه السلاطين
كل القبايل من بعيد تعنيله
ابن مناحي له تعود المضامين
يا سعد من هو لا التجا يلتجيله
يسعد به اللي يشكي الضيم والبين
ويسعد به اللي طيّح الوقت حيله
ياما مسح دمعٍ على خد مسكين
وياما فزع مع طالبين الجميلة
لا شك راح وكلنا معه فانين
يا الله تعوّضنا الصبر في بديله
عسى العوض بمنزّحين المعادين
روس الشيوخ اهل الفعول الجزيله
اعزي الجذعان ويّا السياحين
واعزي العتبان على رحيله
وختامها صلوا على هادي الدين
نبينا الداعي لدين الفضيله