مرثية

في رثاء المغفور له باذن الله العقيد / علوش بن بدر بن علوش بن ربيعان
يا الله يا اللي من ترجاك ما خاب
........يا عالمٍ بالمخطيه والمصيبه
يا فاتحٍ بابٍ ويا مغلقٍ باب
........يا فارجٍ لأيوب عقب تعَذيبه
تفرج لمن صدره تقل فيه لهاب
........كن الوقايد في ضلوعه لهيبه
يا من له الدنيا ولا عنه مجناب
........الواحد الفرد الصمد نبتدي به
عيني لها من لذة النوم حراب
........احفت نواظرها الدموع الغريبه
أعزّي الرُوقه وبرقا والاجناب
........يجبر عزاكم يا مقادم عتيبه
بيت الندا بيت الكرم ستر وحجاب
........بيت الشيوخ أهل الفعول العطيبه
بيت الغنى اللي للمعاسير جذاب
........بيت السلاطين الرجال العريبه
تهت بوصايفهم كما ابوك يا عقاب
........نجمٍ تعلا بالدجا ينسري به
علوش ما همه دنانير وحساب
........يصرف بلا حسبان ما ضم جيبه
فيه البشاشه والمحبه والاعجاب
........وزودٍ به النخوه لمن يعتزي به
الباب مفتوحٍ لربعه والاصحاب
........ما جات به سود الليال تغَدي به
وعند الشدايد يوم الاحداث ما هاب
........سيفٍ على روس العدا ينسطي به
باللازمه ما قط عن لازمه غاب
........تشهد مواقيف الشجاعه بطيبه
يا الله تغفر زلته وانت تواب
........برحمتك يا غفار وانته حسيبه
تمت وصى الله على خير من طاب
........على رسولٍ بالهدى نقتدي به
منيع فهد الروقي