آه يا علم وصل والعلم كايد والعلوم إن جات صارت لي وكيده شب في قلبي لواهيب الوقايد والوقيده ليه سموها الوقيده زاغ قلبي راحت أفكاري شرايد وش بجمع فكرة راحت شريده قالوا إن الفهد وأيام الشدايد روحت به جملة أيام شديدة يا خسارة راح ماعد هوب عايد لكن أفعاله بكل يوم تعيده!! يا فريد راح وأحواله فرايد يا عجايب جملة أفعاله فريده خادم البيتين للبيتين شايد روح المندوب للأقصى يشيده البكا بيبكيه الايتام وولايد وشايب يبكيه يبكي مع وليده مع عجوز عدت أيامه عدايد وش تعد بمكرمات له عديده خلد لذكراه بأفعاله خلايد مع سجل بالذهب فيه اتخليده محكم للراي وآرائه سدايد متزن بالقول والحكمة سديده طايع لله ساجد له وعابد ما تونى بسجدة فيها اتعبيده لو بقول القول يملا له جرايد ما تكفي لعبرتي صفحة جريده يومه الموعود محد عنه حايد حكمة المولى ولا به من يحيده ذي إرادة واحد بالكون رايد الله اللي قال يفعل ما يريده والبقا براسك يبو متعب سنايد كل مظلوم يجي تبقى سنيده معك ابو خالد عظيم بالفوايد هو عضيدك كل خير هو عضيده وعقبها صلوا على من كان سايد هو نبي رحمة للكون سيده
