الذاهبة

أحلى الكلام

ألحان وغناء: خالد عبد الرحمن
الله اللي راد . . والعقدة قضاها اللي عقدها
لا على الدنيا سلام . . ولا لباقي العمر زينه
الفضاء ما كنه إلا خيمة طاحت عمدها
والفرح ما كنه إلا شيخ انقصت يمينه
والعمر قطعة زجاج انكسرت ولا طال أمدها
والعرب في العيد بدموع اليتامى مستهينه
والشوارع لفها ثوب الظلام اللي هجدها
والبيوت اطلال من عقب المحبه والسكينه
والشتا والليل والبرد وسما يصرخ رعدها
والعيون اللي ورى الشباك مذعوره حزينه
طولوا في الكهف الاصحاب وبقت روحي وحدها
كنها في كوكب ثاني خلا من ساكنينه
الوداع اللي بعلم لعيني اعبر من رمدها
والوداع اللي بلا علم القفص صدري غبينه
والوداع اللي بلا رجعة على امر وادهى
والله انه غررت سم وسكاكينٍ سنينه
والعنود اللي جفيت الناس والدنيا بعدها
مدت الفرقا لغاليها . . وهي تعطي الثمينه
وينها كيف اتركتني ليه ماجت في وعدها
والقمر لا طل خابرها تجي بيني وبينه
رحت انادي واتلمس في مهب الريح يدها
كني حصان بلا صاحب طوى البيدا حنينه
رحت اصيح وينه والعرب ما رد أحدها
ما سمعت إلا صدى صوتي يقول الصبح وينه
كنهم من يوم ذيك الشمس غابت عن بلدها
طلعوني في النفوذ وكوا أبواب المدينه
كنهم من يوم ذيك الذاهبة محد وجدها
كل رجال من الشرهه قلع في الدرب عينه
اثرها ماتت وماتت كل فرحة في مهدها
والربيع اقفت به اللي كانت التاج لجبينه
جاورت عقب الحدائق حفرة ما اقسى لحدها
حفرة ماني مصدق كيف ضمت ياسمينه
للحزن فيني مثل ما للطهارة في جسدها
ويش اسوي لا فتشت اللي لها وسط الخزينه
زخرفت حلم وبنت له مسكن وسمت ولدها
آه لو غرّد ولدها في خميلة والدينه
عاهدتني واكفرت بيمين اقوى من عهدها
والصبي لا خير فيه ان كان ما نفذ يمينه
ما تتقى عن رثاها عرق اقتض بشهدها
ولا تبقى خلف قضبان الجفن عذرى سجينه
كيف عند العالم أيام العزى ما احصى عددها
والا انا طالت شهوره . . والله أعلم عن سنينه
لا الثرى فيها نبات ولا المشي خفف نكدها
لا السما فيها طيور . . ولا البحر يمه سفينه
لا القمر هذا مساه ولا العصي هذا رغدها
لا الزهر هذا شذاه ولا الذهب هذا رنينه
قالوا الشيخ الفلاني مرجع القوم وسندها
قال يبشر بالعوض والعلم جينا ناقلينه
ساق لك بدر البدور اللي نشدها من نشدها
جادل هزت عروش وخيبة روس ذهنية
قسمها في رسمها في جسمها إلا في رشدها
واسمها أن جال الغضب قومه على الألسن رطينه
اترك الناي وعطيه شيخنا غن لسعدها
وانبسط يا عم وانسى اللي ورى التربه دفينه
قلت ولصدري تناهيت تروّع من شهدها
آه وويلاه من يجلب على قلبي ضنينه
خلوا أغلى ذاهبه ترع ربيع اللي فقدها
والعطا راعيه محدن صوبه الله لا يهينه
لو ضمنت الجنة بتفاحة القلب وشهدها
قلت من بكره عسى مجنونها تاقف سنينه
الله اللي راد والعقده قضاها اللي عقدها
لا على الدنيا سلام . . ولا باقي العمر زينه