أجدت في ذكرى الفعول القديمة

هذه القصيدة مجاراة لقصيدة صاحب السمو الأمير عبد العزيز بن سعود بن محمد آل سعود والتي مطلعها:
يا سيد الموقف بعزم وعزيمة
هي عادتك حسم الأمور الصعيبات
والتي نشرت بصحيفة الجزيرة . .
الأمير عبدالعزيز بن سعود السامر
عليت ياراع البيوت الجسيمة
النادرات بشكلهن القويات
مثايل في طيبين العزيمة
اللي على العليا خطاهم طويلات
فالقائد اللي له مواقف حكيمة
بالراي والحكمة وصلب القرارات
من لاذ حول أحماه محداً يضيمه
معلوم أله في نصرة الجار وقفات
يومٍ بعض الناس حكمه ظليمة
قدر شحوه امكثرين الدعايات
وصدقت فاللي يفرقون الوسيمة
اللي لهم في نصرة الحق صولات
أجدت في ذكرى الفعول القديمة
يومٍ النجايب بالرجاجيل عجلات
ذكر النضا ومعالجات الشكيمة
اللي لهن في مهجة الروح لذات
وتلقى المكارم فالنفوس الكريمة
فاللين ولا فالظروف القسيات
ومن لا يقول الحق سعيه جريمة
لو كان يقرى الفاتحة والتحيات
والصدق يبقى والليالي عتيمه
والغافلين يراجعون السجلات