حلول اللغز

نشرنا في عدد الأسبوع الماضي لغزاً كتبه الشاعر عبدالحكيم الطريقي من محافظة الزلفي
وكان نصه:
أنشدك عن رجلٍ فعوله عظيمات
فيما مضى واليوم جاله بدايل
ياما حصل له ماضي الوقت صولات
واليوم لولا الشرع ماله فعايل
وقد جاءتنا عشرات الحلول الصحيحة واستبعد بعضها لإخلاله بشروط النشر وذلك في زيادة الابيات.. واستخدمنا القرعة في اختيار البقية حسب المساحة المخصصة للغز فاختارت القرعة الحلول التالية:
هذاك له في بيرق العز رسمات
رفرف به الأخضر.. على كل طايل
مافيه شك.. المعني.. السيف بالذات
ياما قطع..بالشرع.. من راس مايل
سرور سفاح - المذنب
الشاعر اللي صاغ جزلات الأبيات
يامرحبابه عد نبت المسايل
اللغز واضح ما يبي زود نظرات
)السيف( بالماضي يسوي الهوايل
زيد بن عبدالله القطيان - الزلفي
دام الطريقي جاب زينات الأبيات
أقول لغزك يابن الأجواد هايل
والسيف تطلع قيمته بعض الأوقات
وقت القصاص ووقت حسم المسايل
محمد بن حمد البرر - الزلفي
ياللي نضمت اللغز هيهات هيهات
عصره مضى مع عصر قب الأصايل
ياعظم شأن السيف والسيف مامات
شعار دولتنا وعز القبايل
ناصر فهد عفتان السهلي - الرياض
لغز الطريقي يوم نظم فالابيات
ذكرني أيام السنين الأوايل
السيف جاله ماضي الوقت جولات
كم راس شيخٍ طاح بين الأصايل
فهد محمد دغران السهلي - المشاش
الله يبارك في رجال المهمات
آل السعود مطوعة كل عايل
ترى سيوف اخوان نورة صقيلات
مسلولةٍ للي عن الحق مايل
زيد بن جريد بن سعدا - بريدة
الحمد للمعبود رب السموات
والشكر لله ثم لراع الفعايل
عبدالعزيز موحدٍ كل الاشتات
بالسيف وحد شعوب وقبايل
فيصل بن فهد الراضي - قضيباء
اللغز وافي والمعاني جميلات
والوقت الاول فات ماله مثايل
السيف حل اللغز والسيف مامات
وفعله بشرع الله كبير الدلايل
حمد الثبيتي - مركز الداهنه
لغز الطريقي طارقه عشر مرات
لين اعتدل ثم انحنى للمثايل
السيف حل اللغز واللي مضى مات
له في عصور ماضيات هوايل
فهد الثميري - المجمعة
السيف له رجلٍ ثقيلٍ وحزات
في ماقفٍ فيه الأوادم تخايل
يشتال روسٍ يفعلن الخطيات
أمرٍ من المعبود فيه الدلايل
أبو هاني السعدي - المدينة المنورة
يامرسل الالغاز نظمت الابيات
نطقك على معناك ماله بدايل
هرجك صحيحٍ والمعاني مهمات
سيفٍ بكف الرجل فوق الأصايل
عثمان بن شاهر الشهري - الطائف
ياللي كتبت اللغز في عدة أبيات
أنا أشهد انك من رجال الحمايل
ولغزك عرفته من قريته بلحظات
هذاك هو السيف فوق الأصايل
جزاء مشعان العظيلة المطيري -محافظة المجمعة
ياأهل التراث اللغز للنفس مشهاة
الحل عندي مايبي له دلايل
السيف هو حله ولابه مراواة
يقوله اللي ساكنٍ وسط حايل
خالد هاجس الشمري - حائل
يامرحبا يا كاتب اللغز مرات
اعداد ماهلت مزونٍ همايل
السيف يذكر في العصور القديمات
واليوم ماله ذكر مع كل قايل
مسفر فهيد السيف - الأحساء
لغز الطريقي فيه حكمه وعبرات
واللغز حله جاك يابن الحمايل
والله يديم الشرع في كل الاوقات
اللي حكم )بالسيف( كل القبايل
نشمي نزال العنزي - الدمام
لغزٍ قريته والمعاني لطيفات
وشكرت رب الخلق راع الجزايل
اللي جمعنا بالرخاء والمسرات
وشعارنا نخله وحدبٍ صلايل
فهيد فياض - حائل
السيف حل اللغز والسيف ما مات
السيف باقي له عظيم الدلايل
به ينشر الإسلام وقت مضى وفات
وبه شيخ نجد أحد جموع القبايل
فهد سعود المطيري - القريات
عبر الاثير أبعث سلام وتحيات
لأهل التراث ومهتوين المثايل
واللغز حله«سيف» مابه مراواة
فيما مضى له مع معزي فعايل
محمد مرشد التميمي - حائل
قريت لغزك يالطريقي بالابيات
لغزك ثمين ولا مثيله مثايل
الحل سيف وبالدهر له علامات
في ماضي وقته مع أهل الاصايل
طلال الجذع - شقراء
الخيل واجد بس تبقى الأصيلات
سوابق تظهر بيدها وأصايل
مركاضها ضرب السيوف الرهيفات
تبقى أساس وكل تقليد زايل
نايف محمد الأسيد - القريات
عبدالكريم أرسل بيوتٍ جديدات
لغزٍ يبى حله بزين المثايل
«السيف» بالماضي جرى له بطولات
من فعل حده أحمر الدم سايل
مشاري خالد الدعجاني - الدمام
السيف في وقته يسد الهمات
سمي خوي الجنب وافي الخصايل
ابن الوطن يفيد في كل الاوقات
علم بلدنا من خيار الدلايل
مسعف ناهس العتيبي - منجم مهد الذهب
عبدالحكيم أرسل ويبغى إجابات
يامرحبا واهلين يا ابن الحمايل
في ما مضى للسيف صوله وجولات
مع الفوارس في ظهور الأصايل
نواف بن سداي العتيبي. - الطائف- الحوية
يا ما حلا صفحة تراث ومدارات
فيهن نشوف ابداع ماله مثايل
واللغز حله «سيف» مافيه شكات
وعندى على قولي شهود ودلايل
عبدالله بن حمد البدر - الزلفي
يامرحبا ترحيبه كبر أبانات
واللغز وافي في جميع الخصايل
ولا زمان فيه صوله وجولات
والحل سيفٍ رادع كل عايل
خليف الحربي - الرياض
الله يعز أهل الوفا والشهامات
بحكم الشريعة طوعوا كل عايل
آل السعود.. مروضين الصعيبات
وكم واحدٍ راسه من السيف مايل
زايد ونيس العماوي الحازمي - طريف
ياللي كتبت اللغز في جملة ابيات
اللغز حله واضح له دلايل
السيف الابتر له مواقف وحزات
يشهد على فعله شيوخ القبايل
عبدالهادي العرجاني - الافلاج - النايفية
بعد السلام وبعد رد التحيات
أقول يا أصحاب الحكم والمثايل
السيف حل اللغز والسيف بالذات
هو منعة الفرسان فوق الاصايل
محمد عثمان محمد الشهري - الرياض
السيف هو رمز الوطن والبطولات
يحمله بيرقنا ورسمه تمايل
الفيصل البتار وقت المهمات
في وجه من ينوي الرداء والتحايل
عبدالله النغاش - الرياض
سبحان رب الناس رب السموات
اللي خلق في الخلق عاقل ومايل
السيف له ياكاتب اللغز حزات
يردع مخاليق تسوي الهوايل
سلطان السهلي - المجمعة
الله لا يذكر زمان مضى فات
فيه الجهل والظلم عم القبايل
كم واحد بالسيف وقت الجهل مات
وكم واحد بالسيف سوى الهوايل
محمد بن فهد الدلبحي - عفيف
يوم الطريقي سجل اللغز بأبيات
شاعر وبالألغاز صاغ المثايل
شاعر ويفهم بدع الألغاز بالذات
والسيف حل اللغز يابن الحمايل
ونيس عقيل الحربي - القيصومة
يا مبدعٍ بالشعر من زين الابيات
ياللي كلامه يحتفظ به مثايل
لغزك يقول الحق من كل الاصوات
سيف شديد معدلٍ كل مايل
عمر الشقحاء - القصيم
على علمنا السيف والسيف ما مات
والسيف حفظ العدل عن كل مايل
هذا جوابي وأرسله للمدارات
والسيف باقي مع عموم البدايل
هديبان راشد المطيري - الدوادمي
الف السلام نقول وازكا التحيات
للي كتب لغزٍ به الوصف هايل
ياصاحبي قولك بدابه علامات
كم معتد دمه من السيف سايل
خالد بن سليمان الجريش - الرياض
يابو علي سلام وازكى التحيات
لغزك وصلنا واستلملك دلايل
السيف له صولات وايضا بطولات
وبالشرع يقمع به ترى كل عايل
محمد نماء الحربي - حفر الباطن
سلام يامن لغزه اصبح ولابات
لغزه جميل وقايله بو الجمايل
مارد كيد أهل القلوب العصيات
إلا السيوف الباترات الهوايل
محمد بن عثمان الشهري - الرياض
حنا عيال اليوم واللي مضى فات
تاريخنا يحكي وباقي دلايل
السيف في الإسلام سوى علامات
تشهد على فعله جميع القبايل
عبدالله بن فايز الشهري - الرياض
أبيات لغزك يالسنافي جميلات
وأنا أشهد إنه عدل ماهو بمايل
السيف هو حله ولابه مراواة
فيما مضى له صيت بين القبايل
محمد ناصر الزيدي - الرس
عبد الحكيم أرسل بيوتٍ سليمات
أبيات شعرٍ ما بهن بيت مايل
راض بفكرى للسنين القديمات
عصرٍ مضى للسيف فوق الأصايل
حجي بن سليمان الحجي - الأحساء
حي الغلا.. حي الوفا.. حي الأبيات
حي الشعور.. وحي شرد المثايل
وقتٍ مضى للسيف صولة وجولات
يوم النضا تعسف.. وقب الأصايل