يا شين تقليبك بالاوراق شيناه تلقى بقايا الذكريات القديمه طول الزمن ما حال من دون ذكراه الزين حتى ذكرياته غنيمه لو باحلف باقول والله وبالله ما انسى العلوم اللي بذهني مقيمه وشلون بانسى الزين والعز والجاه والليل والقمرا وغدرا عتيمه في عز لكن وين هذا وهذاه امقارنة هذا بهذا ظليمه الوقت لو يحكي وحن نعرف حكاه وان كافنا كافه وكالميم ميمه ما قال كم اللى طلبنا عطاياه هاك الزمان اللي يذعذع نسيمه ما عاد شفنا ما بقى من بقاياه لا وخذت البل ما تفيد الوسيمه الوقت كل الوقت هذي سواياه يقبل ويقفي والوناسه يتيمه وش فايده لو هو يلقّيك علباه لو كان لك من فعل يمناك قيمه الايام تبدي ما خفى من خفاياه ما فيه حاله في الزمن مستديمه اليوم كل الناس في وقتنا اشباه الا الذي ينجيه قو العزيمه يرضون بادنى شي ينسد به فاه موتان الاريا والضماير سقيمه ما جنبوه اهل الرعي ما انتمناه لا سار به كل المنابت وخيمه به نستعيض الله ولا حن ولا اياه نترك ردي القاع عزه وشيمه المال عشنا به وعشنا بلياه ولا العلاقه بيننا بالحميمه ان كان جانا في وجوبه صرفناه وان كان ما جا رزقنا الله مديمه الرجل ما يخلف بطبعه عن اباه بالزين والا الشين يثّر لزيمه الرجل تلقى من نوادر مزاياه عند الغضب تاتيه الاريا الحليمه الرجل تلقى من نوادر مزاياه ما هو يجي من لا نصاه بعزيمه الرجل تلقى من نوادر مزاياه رفض الوليمه وافتعال الوليمه الرجل تلقى من نوادر مزاياه يشوم لا من سمع سب وشتيمه الرجل تلقى من نوادر مزاياه الحرص من نقّال حكي ونميمه الرجل تلقى من نوادر مزاياه يلجم حصانه بالرسن والشكيمه واللى تناصت قوة اجباه واجباه ينفذ ذراعه ويتحدى خصيمه ومن مد له يمناه يعطيه يمناه لو ينتصر ما هو بيظلم غريمه واللي يصر انه يكرر خطاياه لا عاد ينجى والعوايد ذميمه
