يا شين علم يوم الاثنين جانا يا شين ذاك العلم ساعة سمعناه كلت عزايمنا وتزايد بكانا على فراق الوالد اللي فقدناه وتعذرت عن المسيره اخطانا وكل قعد يبكي فهدنا وينعاه والنوم حاربنا ولا عاد جانا والعين زود حزنها كثرت أبكاه على الحبيب اللي فراقه دهانا فقيده الاسلام يا صعب فرقاه سيد ملوك الأرض في ذا الزمانا رافع لواء الاسلام في كف يمناه له في حنايا القلب قدر ومكانا ما ظنتي شعبه مع الوقت ينساه الوالد اللي ضمنا وحتوانا ومن كثر حبه ضمنا في حناياه ويا كم من وقته وجهده عطانا ولجل الوطن ثم لجلنا تعبت خطاه يا ما تعب من اجلنا وعتنانا وسخر لنا الصعبات بالمال والجاه بدل ملاح الماء بحلو وسقانا من كف يده صافي الماء شربناه ما يوم عنا لاذ ولا توانا أبو حنون وكلنا طوع يمناه هو عزنا هو ضلنا هو ذرانا اللي ليا ضاقت علينا زبناه لو ينفدا نفداه في كل شانا ارواحنا وولادنا كلها فداه لا شك هذي دائرات الزمانا حكم القدر خيره وشره رضيناه ويالله يا المعبود أجب دعانا يا الواحد اللي كل خلقه ترجاه يا الوالي اللي لك دعانا ورجانا رجواك عنا بأحسن الخير تجزاه وتجعل مقره في نعيم الجنانا وتغفر لبونا الخافيه من خطاياه عساه بالفردوس بأعلى مكانا ويا رب أكرم له بنزله ومثواه حنا فقدنا الفهد لاكن عزانا با للي خلف فهد العروبه بممشاه عبدالله اللي نورت به سمانا حنا على حكم الشريعه تبعناه جينا لبو متعب يوم أنه دعانا انبايعه بالحكم يومه تولاه وحنا لعبدالله انجدد ولانا يا حي عبدالله ويا حي ذكراه العاهل اللي تحت حكمه خذانا مليكنا الغالي عسى الله ياقاه الفارس المغوار حامي حمانا انشهد انه نادر في سجاياه وولي عهده سيدي له وفانا نوفي بعهده دائماً نتبع أرضاه اللي لدرب الخير دوم أيهدانا حبيب شعبه ما تعدد مزاياه سلطان سلطان المحبه سقانا من نهر حبه لين رويت ضماياه بالحب والمعروف خيره غشانا والجود طبعه والسعد في محياه سيف على الظالم شطير السنانا غيث على المحتاج جزل عطاياه العهد لا آل سعود باول زمانا ما زعزه خايب ولا خاينن جاه الحكم راسي وثابتات أخطانا والعدل ثابت باول الوقت وتلاه ويالله تصبرنا على مبتلانا على فراق الغالي اللي فقدناه وصلو على راع الهدى والبيانا نبينا اللي كمل الدين ورساه
