يالله عسى الوسم وان جانا بشير له

يا الله يا الله يارب الملأ كله
يا عالم الكون ما يخفاك من خافي
تفرج لقلب تقول انه على مله
يصبر على علته لو يوجف وجافي
الهم والفكر والتفكير محتله
مركاي كوعي لحد الصبح ينشافي
العين تسهر وقلبي همه يتله
والروح من هم قلبي جاه الاتلافي
اسباب وقت تغير صار به خله
ما تأمن الشخص لو يكثر بالاحلافي
حتى اقرب الناس لك كأنك عدوله
متغير من سبب دنياه يا كافي
لاحتاجك يقول ما غيرك رفيق له
صحيح من قال طول الوقت كشافي
والموت كأنه قريب وصار لك عله
ما بين حدب الضلوع وتحت الالجافي
وليا قضى حاجته مانته بعرف له
روح ما راح القطا ما عاد ينشافي
هو ما درى ان الزمن ما هوب صافي له
بالشين جازا وفانا الخايب الهافي
ما اقول كل العرب ما اعم انا لله
فيهم رجال نوادر معدن صافي
دار بها اجدادنا الاموات دار له
وان كان له قلب يكفي ما ذكر كافي
يا الله عسى الوسم وان جانا بشير له
يهل وبله على الغرمول هتافي
من فوق حسن على الفرشه ضفى جله
متحدر للعدام ويردف اردافي
ياخذ لدور السنة ما جف سيل له
والارض تلقا بها من كل الاصنافي
تلقا النصي والزهر والقرمل وتله
وتشوق زين النبات بكل الاوصافي
متخالط نبتها نبت على حله
يستر من زارها ولنبتها شافي
وختامها للنبي ازكى صلاة له
محمد اللي دعا للحق بانصافي
محمد بن عائض بن كايد