رجل الأمن

رحماك يا رب الخليقة والاكوان
يا باسط كفه لخير البريات
ماقدر المولى على العبد ميزان
وآجالنا قد دونت في السجلات
سبحان من كلن على دنيته فان
اللي قضى للحي في عد الاموات
يارب نومن بالقضا كل الاحيان
زدنا يقين وزادنا امرك اثبات
يارب تحسن خاتمتنا بالايمان
وتجعل صحايفنا بعفوك نقيات
مازادت الدنيا بعمرك يالانسان
ولا دامت لقلبك جميع المسرات
واخر خبر من جملة اخبار الاحزان
رحيل رجل الامن راع المهمات
بالامس ودعنا حيا الارض سلطان
وجزَّت قلوب الناس كبر المصيبات
يا لله تجبر كسرنا في فقد ثان
في نايف العزة كريم السجيات
المخلص لدينه معه دوم ما لان
اللي صفاته بين شعبه جميلات
له في حفاظ العهد سيرة وديوان
وله في الوفا بالوعد صدق الروايات
وله في جيوب البر معروف واحسان
وله في قلوب الخلق دعوات دعوات
يا لله يارب الخلايق يامنان
تغفر لعبدك واسكنه وسط جنات
وعسى العوض في فقدنا باق الاخوان
وعسى عوضهم عند رب السماوات
الله يطول عمر حكام الاوطان
اللي تعلوا في رفيع المقامات
الَ سعود اللي خذوا كل نيشان
افعالهم تشهد لها كل هيئات
وحنا نبايع خادم البيت كل آن
نفدي وطنا بالنفوس الابيات
ونبايع بصدق الولا خوه سلمان
ولي عهده في الفعول الصعيبات
سلمان تاريخه للامجاد عنوان
أنسب رجال المرحلة في الملمات
ونبارك لأحمد ثقة صاحب الشان
حامي الامن والمرتكي للثقيلات
ياحافظ احفظ ديننا دون نقصان
واحفظ وطنا من دخيل وشمات
ابلادنا للحق ملفي وميدان
ماهيب للباطل وظلم الحكومات
الله يديم الامن ويعز من كان
في خدمة بلاده قبل خدمة الذات
د. إيمان بنت عبدالرحمن آل منير عسيري