فرحة العيد

العيد فرحه وابتهاج وسعاده
يفرح به المسلم بعد كمل الصوم
المسلم اللي ملتزم بالعباده
في طاعة المعبود ما يلحقه لوم
يزيد في شهر الصيام اجتهاده
وعن الفروض الخمس ما غطه النوم
ويدي صلاته في خشوع وركاده
ماهوب ينهبها تقل يطرده قوم
ويظهر زكاته ويتصدق زياده
على الفقير اللي من المال محروم
ويقرأ الكتاب ولا يمل الاعاده
قلبه بذكر الله عن الشرك معصوم
طاعة عظيم الشان غاية مراده
يبغى ليا ودع يقولون مرحوم
أما انت يا سالك دروب النقاده
مالك فرح بالعيد لو تلبس هدوم
لبسك لثوب العيد ما غير عاده
ثوبك جديد ووازع الدين معدوم
لبست بشعات المعاصي قلاده
وعن سيرة الاجواد غادي ومنجوم
ما ادري تعاسة حظ ولا قراده
هل رمضان وراح ما صمت لك يوم
صويلح بن عبيسان الشيباني