أخذك السفر مني

تجر السنين شهورها غصب من تالي
وتعد الشهور أيام هالصيف وتلومه
شربت الثواني هم.. والوقت متعالي
طلبته يسليني وزاد الفكر حومه
على وقفتي من أمس، وعيني على ظلالي
الليل ما بيّن.. ولا بانت نجومه
حبيبي عليك يهون تتركني لحالي
أباري عناد الوقت والنفس محرومه
تركت الديار وزاد بي منك غربالي
واخذك السفر مني وطالتني سهومه
ولا باقي إلا شوي على شعره هبالي
من روحه لجيّه ومن قعده لقومه
معك بالشتاء غالي، وبالصيف لك غالي
نصيب الأسد ليته لبس أثقل هدومه
الصيف علقم والشتاء مشربه حالي
عشقته أنا ياجعل يومي قبل يومه
غير اني اتهنا بالاحباب يهنالي
ف برده ومشراقه وفي هدّة غيومه
أبصبر وساعات الشقاء مالها ومالي
إلين المطر يسقي خفوقي ويشمومه
والى جيت ابحكي لك وبشكي لك احوالي
وقلبي بعد لاجيت يشكي لك همومه