أغلى المهر

يغرد البلبل يفوح الورد ينتثر العطر
دام المشاعر حفها الوجدان والجو البديع
التم شمل الحبر والقرطاس ببدايه سطر
يعني بدايه فكرة تكتب ويقراها الجميع
وانا دفعني للقصيد اللي على بالي خطر
من بعد ومفارق وهم.. يشيب الطفل الرضيع
سقت القصايد في رضا محبوبتي شطر شطر
اجمل بنات الارض بنت العز والقدر الرفيع
اللي لها النفس حزنت واللي لها القلب انفطر
واللي لها العين دمعت واللي لها صدري وسيع
وارخص مهر غيمة قصيد تو ماطرها مطر
واغلى المهر قلب وراء قضبانها مثل الوديع
ماهو كرم منه ولا راعيه عايش في بطر
الا ان هذا مبتدأ العاشق وتاليته رجيع
يعيش داخل دايره ويصاحبه نصف القطر
واللي خرج منها يضيع.. شوي لو قلنا يضيع