برحمتك ياللي رحمته ما لها حد

هذه القصيدة مرثية في إخواني الذين توفوا ليلة الجمعة الموافق 7/11/143ه
يا شين علمن فجرالقلب وقعه
هز الخفوق وهدّ عزم القوي هدّ
جاني مخيف وفي ضحى يوم جمعة
ثقيل بيح بالحشاء خافي السد
راضي ولكن فجعة العلم فجعة
قال العيال وعدهم ناقلة عد
من لابتي سقم المعادي وتسعة
تجمعهم العزوة على طيب الجد
وطحت بمكاني وأفرك الأرض جزعة
والدمع سال من المحاجر على الخد
وعديت من باب القرابة بوجعة
وقسمي طلع عد الاصابع على اليد
خمسة بعد كل قرب يوم نفعة
راحوا بدرب من مشار فية ماردّ
والكون ضاق ابية على كبر وسعة
واقول صفوة كلهم ما لهم ند
ومع دربهم ماشين باكر وتبعة
ولو طالت ايام الفتى للعمر حدْ
والرابح اللي زان دينه وطبعه
وجود حبالة بالولي وافي المدْ
ومنهو يلوم اللي بكى فقد ربعه
بين الخلايق ما عسى ماله مود
ويا اللَّه يا رب المخاليق فزعه
ياللي لك يدين المخاليق تنمدْ
ترحم لنا من راح من غير رجعه
برحمتك ياللي رحمته مالها حدْ
وتصبّر اللي حيلته هل دمعه
وتعوضهم في صغرهم جنة الخلد
عبدالمحسن بن نايف بن عميرة