جتها المنية

هذه مرثية بوفاة أختي رحمها الله رحمة واسعة
لا عاد علم وصلني يوم الاثنين
زلزل كياني واستلجت ضلوعي
وهلت دموع العين وحده ووثنتين
مالوم عيني لو تهل الدموعي
سهرت يوم ان المخاليق ممسين
بس اتقلب من هموم تروعي
عليك ياللي ساكنه داخل العين
قلبي سببها مخطرانه يفوعي
جتها المنيه قبل تكمل سبوعين
رغم العناية والدوا كل نوعي
صلوا عليها العصر والربع عجلين
والمقبره عندي مسافة اسبوعي
علمي بها من صفو اللبن والطين
كني لحالي بين هاك الجموعي
الموت كد فرق شعوب وسلاطين
ولاني على ما قدر الله جزوعي
يالله يا قابل صلاة المصلين
تجبر عزا الوالد وباقي الربوعي
يالله طلبتك يامغيث المقلين
تهن فزعها في نهار الفزوعي
وختامها ماناح ورق البساتين
صلوا على اللي للخلايق شفوعي
سعود محمد عبدالعزيز الفايز