ما سكن قلبي سواك

ليتني عايش بها الدنيا لحالي
ما معي غيرك ونيس ولا بغيت
يا رفيع في علومك والجمالي
ليت تعلم ما لك بقلبي خفيت
ليت تعلم كم رسمتك في خيالي
وليت يعلم قصتي حي وميت
كم تمنيتك تكون أغلى حلالي
كم شربت الهم لأجلك كم بكيت
يا لحبيب اللي بها الدنيا بقالي
كل ما دورت مثلك ما لقيت
يا أعز الناس في قلبي وغالي
مندفع لك والخلايق ما رضيت
انت دنيا كلها حلم وخيالي
تستريح النفس لاجيتك وجيت
يرتعد لأجلك خفوقي ما يبالي
يستقر الطرف لاشافك مشيت
يا حبيبي عش بقلبي للزوالي
ما سكن قلبي سواك وما هقيت