نايف

يا دارنا يام الرخاء والعز دار المسلمين
المسلمين المومنين اللي صحيح اسلامها
بالعروة الوثقى على القمة وبالحبل المتين
وقوما نجود في عرى الرحمن ما حداً ضامها
ما يلحقك ضيق وكدر وانتي بيدين الصالحين
اللي على هدي النبي من شبلها ل/امامها
تاريخهم باقي على مر الليالي والسنين
ثابت ثبات أرض الوحي برموزها واعلامها
قبل أمس قلنا يا كريم انك تعوض الصابرين
اللي تعبهم من رحل روح البلاد وهامها
والله اجاب وعاضنا في فقد ريف المعسرين
والأرملة هياء، لها ربي وعاض ايتامها
ما مات سلطان وورى سلطان مطلوق اليمين
نايف عما عين العدا درع البلد ضرغامها
سيفٍ شطير بسطوته للمعتدين الآثمين
حده بشرع المعتلي من روسها، لعظامها
اكد بما لا ريب بأن المفسدين العابثين
ما تنردع عن غيها حتى تعرف احجامها
رحمة وغيث من السماء يبهج كبود المسنيين
وصدرا حفظ لرعيته وقارها واقيامها
نورا يبدد ظلمة الدار وفنار المهتدين
وصبح النفوس اللي يعشمها بنيل احلامها
ل/ امن البلد ساق العمر كفٍ لعسر وكف لين
وكف العطاء فامن الوطن صعبه نحصر إسهامها
نشوف دوره والثنا بوجيه كل المحرمين
اللي لوجهه اخلصت مسيرها واحرامها
حتى على ارواحنا والدين صرنا آمنين
ومن الرخا حياتنا ما عد نعد أيامها
يا سيدي سر والوطن خلفك وأنا كلي يقين
أن العظايم ما لها زيزوم غير عظامها
وأن الرجال السامية بأفعالها دنيا ودين
على الجبال النايفة دايم تسير اقدامها
المعرفة كنز الأمم والحكمة الحصن الحصين
وعمر الشوامخ ما نبنت على كتوف اقزامها
يا سيدي حنا لكم بالدم جنداً مخلصين
حتى ترث أرض الرسل والمؤمنين اقوامها
على كتاب الله وسنة سيدي طه الأمين
نبايعك بيعة وفا، يا سترها وحزامها
نبايعك في كل وقت وكل حال وكل حين
سلمٍ لمن سالم وسقم عداك يا ضرغامها
سعود بادي