الشعب متعطش على شوف سلطان في غيبته شعبه عيونه سهيره كل الوطن في غيبته صابه احزان الله يرده للبلاد ويجيره شعب وطن يستقبلونه بالاحضان يا سيدي عودتك تجبر كسيره شهم وكريم وللمضاهيد عوان كم سهل اللي قبل كانت عسيره هداج تيماء مرويٍ كل ضميان يسراه عن مدة يمينه ضريره ولي عهد المملكه عالي الشان كل العظايم في عيونه صغيره حامي حدود المملكه ضد عدوان وزير الدفاع وفالمعارك يديره بسلاح مطور وبرجال شجعان نحمي بلدنا بالسيوف الشطيره ونحمي بلدنا ضد عابث وخوان والمعتدي يبشر بنارٍ سعيره وفي حكم ابو متعب ملكنا كحيلان ذاك الزعيم اللي يقود المسيره القايد اللي منهجه عدل واحسان دايم مع شعبه عوين ونصيره واللي يشكك في ولانا للاوطان واهم وعندي له دلايل كثيره الشعب واحد من حقل لين جيزان ومن الخليج لبحر جده مصيره ومن شرقها لغربها كلنا اخوان وشمالها يحمي جنوب الجزيره هذا وطن ما هو مثل كل الاوطان منها نشرنا الدين في كل ديره ومنها سطع نور الهُدى خير الاديان مكه وطيبه في وطنا خشيره والمملكه تبقى على مر الازمان افضل بلد بالكون والمستديره باسمي وباسم الشعب حضرٍ وبدوان وباسم القبيله من صغير وكبيره يا مرحبا حييت يا امير سلطان من شعب وافي جا يرحب باميره
