كيد المعتدين

واعداد مزن فيه برق الوسم لاح
نحمده يومه رد كيد المعتدين
وراحت دعاويهم مع ادراج الرياح
واهل الفتن صاروا بلا دنيا ودين
فشلوا وعادوا بالخزي والافتضاح
اثبت شباب المملكة انه رزين
ما يستمع لاصوات دوت بالصياح
والجاهل اللي يدفعه حقد دفين
قال التظاهر عندنا شي مباح
هذا ومثله عارفينه من سنين
ما نسمتع له لو بعال الصوت ناح
لا صار ما عنده على الفتوى يقين
ليته على ما قيل ريح واستراح
يا خادم البيتين يا سمح الجبين
حنا رجالك وانت زيزوم الصلاح
ما نلتفت لاهل الفتن والمغرضين
وحنا بوجه اللي يعادونك سلاح
انت المليك وكلنا لك مخلصين
والنصر لك يا سيدي في كل ساح
يا سيدي حنا لك بشدة ولين
وانته لنا غيث به الخير المتاح
يا سيدي شعبك بعدلك آمنين
وانته لشعبك كنك العد القراح
وولي عهدك نعم والله بالعوين
سلطان سلطان الوفا رمز السماح
ونايف على أمن البلد شهم أمين
خطط وحقق بالمهمات النجاح
حنا نحب ملوكنا في كل حين
حيث انهم على الوطن ما هم شحاح
وحنا لهم درع بوجه المارقين
وحنا لهم على العدا مثل الرماح
عطا الله بن سليمان العطا الله -
الزلفي