حلول اللغز

نشرنا في عدد الاسبوع الماضي لغزاً كتبه الشاعر المعروف ناصر المسيميري وكان نصه:
رجل ببطنه تشوف انثاه
ولا ينفع واحد بلا الثاني
عادل وهي للعدل تقداه
ولولاه ماصار حقاني
ومع ان «الطرق» كان من ابسط «طروق» الشعر وهو الهجيني الا ان البعض لم يلتزم به فاستبعدت حلولهم وهناك من جاء بنصف الحل فاضطررنا لقبول حله لانه ذكر الآلة ولم يحددها واتينا بالحلول المكتملة في البداية وهي كالتالي:
العامل اللي بنى مبناه
ما يبني الا بميزاني
والمويه اللي بوسط احشاه
فيها دليلٍ وبرهاني
سعد مويزر مشعان البدراني
الرس
اللغز يا مِحكمٍ معناه
لاهنت حلّه لنا باني
منسوب للما وهو ماجاه
ميزان في طوع الانساني
فهد بن عقيل الطويان
بريدة
ناصر كسب صيته بيمناه
اصبح للالغاز سلطاني
وابشره مابغى جيناه
ميزان بنَّا وله شاني
سلطان الزرير
الرس
ناصر عديم بعيد اخطاه
يشدي سحابٍ تعداني
الحل واضح قديم ابناه
ميزان عدل وحقاني
عبدالمحسن الشايع
بريدة
باسم الله ابدا الجواب ابداه
فرد صمد عالي الشاني
ومن بعده الحل لك جبناه
راع البنا يقول ميزاني
صالح عبدالله الزرير التميمي
الرس
اغلى تحية نبي مبداه
للي طرح لغز فناني
دوَّرت حله وانا بلقاه
)للماء - يقولون- ميزاني(
علي رشيد الرشيد
رياض الخبراء
لغزٍ توضح لنا معناه
معروف من ماض الازماني
والحل بالعين قد شفناه
الحل )كتله وميزاني(
عبدالله سعد التميمي
حائل
المدح يا هل الوفا يزهاه
اللي لا صيل الادب صاني
وافي ولغزه يجي حلياه
وش عاد لاصار ميزاني
فهد الجروان
الزلفي
يا ناصر اللغز من شفناه
واضح وحله لنا باني
ميزان والعدل هو معناه
والله ماله حلي ثاني
سعد صنهات السهلي
الدرعية
اجد بلغزه كثير اغثاه
والا انت ياصاح فناني
لغزك اعرفه واعرف انثاه
علامةٍ وسط ميزاني
حجي سليمان الحجي
لغز الجزيرة حبك معناه
رجلٍ بالالغاز له شاني
ناصر نشدنا وجاوبناه
«ذي عين في بطن ميزاني»
عطا الله بن سليمان العطا الله
الزلفي
لغز عرفناه من مبداه
ولا عادت اللغز يخفاني
ميزان واضح على معناه
من غير زوداً ونقصاني
مضحي ساكت الشمري
حائل - البادية
ناصر ترى لغزكم جبناه
والحل واحد بلا ثاني
في الوسط شوكه مع المثناه
واسمه ترى يقال ميزاني
مبارك محمد بن طرجم الضعاوين
وادي الدواسري
لغزك ادلل على معناه
لو اني عجل ومشتاني
دور على هالرجل تلقاه
ميزان في كل دكاني
فهد الحزاب الرس
شكراً لناصر على معناه
لغزه يجي دوم فناني
الحل بعد التعب جبناه
وسط الدكاكين ميزاني
محمد عبدالله الشماس
الخرج
نبي نهيجن لما نلقاه
يا طيب قلب ولساني
اللغز جيد على معناه
شعيرةٍ جوف ميزاني
محمد علي السالمي
رفحاء
يا صحابنا النقص ما نرضاه
ودي بعدلٍ وميزاني
واستاذنا الوضع ما يخفاه
عادل ونشمي . وفهماني
موسم بن سقر القثامي
الطائف
اللغز صعب ونبي نلقاه
وارجو عسى الرب يهداني
ميزان وبكفته انثاه
ومن يبخس الكيل موجاني
كريم عيسى العنزي
الخرج
يا ناصر لغزكم جبناه
لغز صعيب وملياني
ميزان فيه العدل شفناه
ينصف ولا يظلم انساني
محمد بن عبدالعزيز الخنيفر
اشيقر
تراث لغزك زهى محلاه
معروف من دون عنواني
والشاعر اللي نعرف خطاه
في حل الالغاز )ميزاني(
محمد بن حمد البدر
الزلفي
اللغز بتراث يوم اقراه
اقول راعيه فناني
والحل بعيوننا شفناه
ميزان ما نيب غلطاني
عبدالله بن حمد البدر