حلول اللغز

نشرنا في عدد الاسبوع الماضي لغزاً كتبه الشاعر المعروف ناصر بن عبدالله المسيميري من محافظة الرس وكان نصه:
انشدك عن ورع صغير ومعه بنت
لاصار شي كلهم يفزعوني
كلِّ يقوم بواجبه لاتمعنت
كم جثت ميته لها يبعثوني
ورغم صعوبة اللغز الا ان معدل الحلول الصحيحة كان اكبر مما توقعنا حيث جاءت كما يلي:
احذر تمادى بالمنى وين ماكنت
ترى الأماني مابها إلا الغبوني
ترميك في بحر الوهم وأنت مايقنت
ومن حصل المنقاش.. الإبرة تهوني
محمد عبدالله البهلال بقيق
لاهانت الصفحة ياناصر.. ولا هنت
ولا هانوا رجال لها يبذلوني
ما املك سوى قولة: بلغزك تمكنت
وماغيره المنقاش وابرة يجوني
فهد الجروان الزلفي
ياراعي الالغاز لاهنت لاهنت
ويا محرر الصفحة بعد ماتهوني
خذ حل لغز في الجزيرة له اعلنت
مايطلع المنقاش شوك الفنوني
محمد فهد الدلبحي عفيف
ألغازك الزينات فيها تبينت
واعطيك حل اللغز ذا واسمعوني
منقاش قدمه بنت واقول لاهنت
نطلع به الشوكه عسا تسلموني
خالد المويهان الحربي بريدة
ابدعت ياناصر ورايع كما كنت
رمز من ارموز الادب يذكروني
الورع منقاش والابرة هي البنت
من بطته شوكة بها ينقشوني
فهد الحزاب الرس
ياللي كتبت اللغز في سبكه اتقنت
لاهنت واللي ينشره مايهوني
اجدت ياناصر بحبكه تفننت
اشهد وغيري ناس لك يشهدوني
لكن عصره راح وانته تمدنت
منقاش وانترنت مايصلحوني
موسم بن سفر القثامي الطائف
اللغز ياناصر بوصفه تفننت
ولاهي غريبة منك زيناً يكوني
حله يزيل المزعجه لاتمكنت
من مسكها براسه وسحبه بهوني
منقاش للشوكه وانا لاسمه اعلنت
والابره اللي تساعده ماتهوني
نايف محمد الاسيد القريات
قريت لغز بالجزيرة ولحنت
لحنت حله حسب ما املت ظنوني
واللغز حله يوم فكرت وامعنت
منقاش وابره والعرب يعرفوني
مناحي مقبل الحربي
الجبيل الصناعية
تشره على اللي قاطعوها وعليك انت
شرهة تقول اهل الوفاء قاطعوني
وأهل التبجح ما تبيهم وهونت
لا اقول قالت ليتهم ما عرفوني
مطلوبها بسبوع بيتين لاهنت
منقاش وابره والصعيبه تهوني
محمد عبدالكريم الغزي الزلفي
هب النسيم وعانق الليل وايقنت
ان الهواء نفحه يسوق المزوني
واسترسلت لي سحب الامثال واعلنت
حلاً شغل فكري وسهر عيوني
عز الله انك يالمسيميري احسنت
بالوصف لو كل البشر عارضوني
لاهنت صغت الصعب بالشوك لاهنت
والشوك بالمنقاش حره يهوني
خلف الاسيد الشراري القريات
حييت ياناصر محل وين ماكنت
وحي التراث او من بها يكتبوني
هذا جواب اللغز منه تمكنت
منقاش معه ابره سوا يعملوني
علي رشيد الرشيد
يابن حمد سلام مني ولا هنت
ومثله لناصر نبعثه بالحوني
اللغز يوم اني تمعنت يقنت
حله هو المنقاش ماهو ظنوني
والبنت ابره يوم الها تفطنت
كل يعرفه من زمان الضعوني
محمد البوجان الشراري
ياللي كتب اللغز اشكرك واحسنت
حيثك فهيم والعرب يشهدوني
ناصر يريد الحل واقول لاهنت
منقاش شوك بواجبه مايهوني
سعد الدوسري الرياض
يامرحبا ياشاعر الرس لاهنت
لغزك عرفته كان صحت ظنوني
الورع منقاش والابره هي البنت
من صابته شوكه ترى يسعفوني
مشاري خالد الدعجاني شقراء
يامرحبا ياللي بلغزك تفننت
يامرحبا بك عد وبل المزوني
اللغز صعب وعندنا الحل لاهنت
منقاش وابره و العرب يذكروني
عطا الله بن سليمان العطا الله
الزلفي
يالمحترف في بدع الالغاز لاهنت
لاهنت و اللي مثلكم مايهوني
لغز كتبته من جوابه تمكنت
منقاش.. وابره.. غيرها مايكوني
زهران عون الله المطيري بريدة
يامرحبا ياشاعر وين ماكنت
لغزك يجينا والبشر يشهدوني
يابن المسيميري نظمت و تفننت
واللغز غامض كيف له ياصلوني
واللغز حله يابن الاجواد لاهنت
منقاش رؤوس مذرذبات السنوني
خليف الحربي الرياض
نقول لك ياكاتب اللغز احسنت
احسنت ياللي بارع بالفنوني
ساعة لقيت الحل ابرماتها وانت
منقاش معه ابره وهذي ظنوني