حلول اللغز

نشرنا في الأسبوع الماضي لغزاً كتبه الشاعر ثقل البقمي يقول فيه:
ان جيتهم بارخص ثمن بيعوني
وان غبت غابت شمسكم بها الكون
باسرافكم جهالكم عذبوني
متى ضمايركم تحرك وتاعون
وجاءت الحلول الصحيحة كما يلي:
واللغز واضح كان صابت ظنوني
مذكور بالقرآن والناس يقرون
هذا هو الماء كانكم تنشدوني
وترشيد باستهلاك يلي تعرفون
مانع الحربي
الخرج
سلام ياللي جر عذب اللحوني
عبر التراث اللي له الناس يقرون
الماء تراه الحل مابه ظنوني
أغلى من الألماس لو كان يدرون
ضمن السناني
اللغز واضح للذي يفهموني
واللي لهم عقلا مفكِّر وموزون
الماء جوابه والملا يعرفوني
إسرافنا به وضعنا ما هو مأمون
عيد مقبول الفليو الشراري
محافظة القريات
الماء شكا من ناس له يجهلوني
ويقول بالاسراف ماضن يدرون
ولغبت عنهم كلهم يشتكوني
وليا حضرت بسرافهم يستمرون
شبيب فهيد فهد السبيعي
الخرمة
لغزك ترسم في محاجر عيوني
وملزوم كل الناس للوعي يدرون
اسرافهم للمي شي جنوني
اكيد لوه غاب للجد ياعون
فايز قبيل الرويلي
طريف
يا ثقل بعض الناس مايشكروني
والفضل للي يعلم الكاف والنون
نصحت فيهم كيف ماطاوعوني
والماء أمانه علكم بس تصحون
خليف الحربي
الرياض
ياناس ياللي طبعكم تسرفوني
خفوا من الاسراف في الماء على الهون
هذي نصيحة جعلكم تسلموني
اقولها والقول واضح ومضمون
ماجد بن عبود العصيمي
البديع
يا مرحبا أعداد وبل المزوني
بك يا ثقل واللغز تسعين مليون
اللغز واضح للذي يفهموني
لغزك تراه الماء بلاشك وظنون
فهاد محمد العرجاني
العماجية
هذي الجزيرة قدرها بالعيوني
اهلا هلا باللغز واللي يحلون
يا ثقل لغزك غاليا ما يهوني
والماء نشربه والجهاله يسرفون
عبدالعزيز بن ناصر السياري
ضرماء
ثقل تمثل في جزيل اللحوني
وميدته العالم شريعة وقانون
الواجب ان الناس ما يسرفوني
والله يجازي من للاسراف يسعون
سعيد مسعد الحربي
عقلة الصقور
يابن الرجال الطيبة ماتهوني
واللي سواتك يابيض الوجه مايهون
حليت لغزك,, ياثقل,, واسمعوني
الماء جوابه يافتى الجود مضمون
زهران عون الله المطيري
بريدة
ما فيه مشكل والمقدر يكوني
العالم اللي كوّن الخلق والكون
منشي جليل الملك غرّ المزوني
والماء نزل بأمره مقدر وموزون
الأيمن
الزلفي
واللي تشوفونه تشوفه عيوني
واليوم ياهل المعرفة وش تقولون
الماء ليا جاء من صدوق المزوني
مابه كلور وثاني اكسيد كربون
محمد عبدالكريم الغزي
الزلفي
يا مرحبا ياهل الشعر والفنوني
ترحيبة البدوان لاشافت مزون
اللغز واضح ياملا واسمعوني
الماء تراه الحل وانتم تعرفون
هزاع بن الأفنس الرويلي
القريات
أهل التراث بشعرهم ولّعوني
وانا مداوم مع هل اللغز ممنون
قال المواطن حيثهم نبّهوني
قمت اتوقع واصرف المي بالهون
علي رشيد الرشيد
رياض الخبراء
امعنّين قلبي وهيّض اشجوني
بعدي عن اديار بها صرت مفتون
ماها قراحٍ مثل وبل المزوني
نجد العزيزة عزّها خالق الكون
عبدالرحمن بن فهيد الطويان
رأس تنورة
باللغز يا هل العرف تصدق ظنوني
لصار محكم بالمعاني وموزون
اصدق من الماء من صدوق المزوني
فوق الربيع يهل وانتم تشوفون
الزلفاوي
الزلفي
ماجور يلي بلغزكم تضحوني
تبذير واسراف عساهم يكفون
حياة كل الحي من الماء تكوني
مذكورةٍ في الانبياء أقروا وتلقون
متعب خلف السويدي
الرياض
الماء,, جواب لغزكم واسمعوني
هذا جواب اللغز ياللي تسالون
أكبر,, خطاء فيه البشر يسرقوني
منه الحياه لكل من عاش بالكون
مفرح علي الحربي
بريدة / الصبيحية
أنا عنيت وجيت ما قدروني
ون غبت عنهم ساعة ما يعيشون
انا تراي الما وهم خصوني
عن قيمتي بعض العرب ما يعرفون
سعد بن صنهات السهلي
الدرعية
يا مرحبا والصعب دائم يهوني
عند الرجال اللي لها افكار وعيون
اللغز واضح للذي يفهموني
والخير والنعمة لها فضل ممنون
سفر مشبب الشطيطي
العمار
يا مرحبا يالي بدعت الحوني
عدّدت حجيج البيت واللي يطوفون
الحل واضح عند مثلي يهوني
حله تراه (الماء) يلي تضيعون
سعود بن فراج السهلي
الدرعية
ما قدر المولى لعبده يكوني
الرزق عنده للمخاليق مضمون
الماء ترى ثروه ولا تسرفوني
وأنتم تعرفون الحقايق وتدرون
مشاري خالد الدعجاني
شقراء
أنت الحياة وروحنا والعيوني
بالماء علامك تشتكي وأنت معيون
جهّالنا باسماعهم يسمعوني
حنا سمعنا باقي الناس يوحون
محمد علي السالمي
رفحاء
ياهل الوفا والعرف لا تتركوني
أبي جواب عاجلٍ لا تونون
اقول انا الماء وافهموا واحفظوني
ياما من اجلي ناسٍ اليوم يبكون
محمد بن عبدالعزيز الخنيفر
أشيقر
حييت يا شاعر يجر اللحوني
اعداد ما غنَّت حمامه على غصون
حذراكم بالما ياعرب تسرفوني
حتى يدوم الخير وانتم تدومون
علي بن خالد الحمد
الرياض
يا مرحبا بك عدِّ رش المزوني
واعداد ناسٍ بالمساجد يصلون
اللغز حله بيّنٍ واسمعوني
ما يسرف الما غير رجلٍ به جنون
مهند بن فوزان المشرف
الرياض
ياهل التراث افكاركم فطنوني
في حفظ ثروتنا وغيري كثيرون
اللي تجيبه رائحات المزوني
وغير البحر تجري به انهار وعيون
حمود بن جعيثن العطاوي
عفيف
يا الله يامعبود يا خير عوني
يا واحد عينك رقيبه على الكون
تسقي عبادك من غشين المزوني
عبادك اللي في رجاك يتحرون
لولا شراب (الماء) تموت الغصوني
والآدمي واللي على الأرض يمشون
صويلح بن عبيسان الشيباني
الرياض
ياهل التراث اللغز مَاشِي بدوني
لكن أبسعى مثل ما الناس يسعون
لحظة قريب اللغز كثرة ظنوني
والظاهر الماء ياعرب وش تقولون
لمياء بنت صالح بن عبدالعزيز المحيميد
البكيرية
ياربع ياللي للوطن تخلصوني
قوموا عليهم واطلبوا ربنا العون
ياكودهم للهدر ذا يوقفوني
ثروة وطنا (ماه) ياللي تعرفون
فهد الجروان
لا تحسب إن الناس مايفهموني
وإل عن اللي قلت ماهم بيدرون
اللي ذكرت الخلق له يشربوني
الماء ومن دونه بلاشك يفنون
صالح عبدالله التميمي
الرس
يا أهل العقول الواعية اسمعوني
الماء نعمة وانتم ابخص وتدرون
يا للاسف جهالنا يسرفوني
وارشادهم واجب عساهم يدركون
صالح عبدالعزيز النتيفي
الزلفي
اهل المعاني والحكم هيضوني
وارسلت حل اللغز للي يريدون
الماء بلياه البشر يهلكوني
لولاه ما كانوا على الأرض يمشون
شديّد محمد المقاطي
المزاحمية
يا أهل الجزيرة وقفوا واسمعوني
خذوا حلول اللغز تكفون تكفون
الماء بوسط البير له ياردوني
وان غاب من ادياركم يبسة اشنون
صالح متعب الغبيوي