قصيدة للشاعر زيد وازع الجرابيع

رب كريم والعباد سجدوله
دام الوطن والشعب في امن وامان
كل الدعاوي والمشاكل سهوله
كل معاه آذان ويشوف بأعيان
ويميز العالم وما صار حوله
ما احدٍ من الاجداد قد نام شبعان
وفقره ماعاقه من دروب الرجوله
وحنا على نهجٍ بياض وبرهان
ولنا مع اهل العرف صوله وجوله
مانستمع ماقاله فلان لفلان
لان الفخر بالفعل ماهو مقوله
حنا موالين من القلب ولسان
وبالفعل لاكلٍ يعدد فعوله
ايماننا تمسك من الكتب قرآن
نقرا كلام الله ونتبع رسوله
ونجدد البيعه ونفخر بسلمان
مليكنا الغالي وسام البطوله
الزاير اللي جاه في وقت الآذان
رحّب بداعي الحق واسكت طبوله
لاغاب نجمٍ من نجوم السماء بان
نجمٍ بداله دون لجه وضوووله
اهل الزعامه روس حكام شجعان
هذي الاخوه والنعم بالحموله
ال السعود مهجدة كل شيطان
حكامنا اللي كل طايل تطوله
ولك ياولي العهد شكر وعرفان
ونبايعك والعز مقرن ينوله
عضيد خوك وصرت له خير عوان
اليا انتحى الوقت بتعدل ميوله
وهذا ولي عهدك محمد كحيلان
الغصن يمدح يوم تعرف اصوله
محمد النايف محنك وفهمان
واسرج على كسب المعالي خيوله
له وقفة تذكر على مر الازمان
يشهد له الله والعباد اشهدووا له
انه حكيم ولا يبي اعلام واعلان
غامر من اجل اللي غدت به ذلووله
ميقن بأن الاحسان يجزا بالاحسان
وانجاه ربي بعد ما خططواا له
فيالله. لا تجعل من الدار عدوان
وسلط على الشيطان مكثر ذيوله
عهد على الشبان من روس شيبان
وبوصي به اللي في سنين الطفوله
دام الوطن هو خيرة ديار واوطان
فالله حباه بخير شعب ودووله
وقبل الختام ولا سفاهه ونسيان
دعوه لمن كل الخلايق دعووا له
يالله عسا المرحوم في خير مسكان
اللي خبر فرقاه ياكبر هووله
صقر العروبه يوم زوغات الاذهان
وغارات بقعا موجعات وعجوله
روّض مغيرتها بسياسه وايمان
وصارت تشابه للفتاة الخجووله
نموت عز ولا نبا العيش ننهاان
وكل العقد باذن الولي محلووله
عبرت عن ما في ضميري بقيفان
وكل بيزرع مير كيف محصوله
وصلوا على المبعوث من نسل عدنان
عد السحاب اللي تنثر ثعووله
زيد بن وازع الضلافيع الجرابيع